WordPress və Opencart proqramlarında yığılan saytlar:

sep

Hər şey telefon zəngindən sonra başlayır... Bizi Facebook-da arayın...

Tel: +994 50 220 82 84

Read more...

Bir içim su, bir mesaj və saytınız hazır... info@assanews.com

Boş vaxtınızda YouTube kanalımıza da baxın...

Read more...
sep

<<< Show Posts >>>

5 azərbaycanlı qadın həbs edildi – Türkiyədə

Türkiyənin Niyde ərazisində polis 7 xarici ölkə vətəndaşı qadını saxlayıb.
Bor rayonunda keçirilən əməliyyat zamanı əyləncə məkanlarında çalışan 5 Azərbaycan, 1 Özbəkistan, 1 Qırğızıstan, 2 Türkiyə vətəndaşı saxlanılıb.
Qadınlar icazəsiz əmək fəaliyyəti ilə məşğul olmaqda ittiham edilir. Məkandan həmçinin odlu silahlar da tapılıb.
Qeyd edək ki, həbs olunanlar deportasiya ediləcək.

Kəmaləddin Heydərova məxsus bəzi otellərin adı dəyişdirildi – Nə baş verir?

Fövqəladə hallar naziri Kəmaləddin Heydərova məxsus “Qafqaz” otellər şəbəkəsinə daxil olan otellərdən biri fəaliyyətini dayandırdı, bəzilərinin isə adı dəyişdirildi.
Dünəndən etibarən “Qafqaz” otellər şəbəkəsinə daxil olan və Lənkəran rayonunda fəaliyyət göstərən “Qafqaz Sahil Hotel” oktyabr ayının 20-dən fəaliyyətini rəsmən dayandırıb.
Şirkətdən Unikal.org-a verilən məlumata görə, şəbəkəyə məxsus bəzi otellərin adı isə dəyişdirilərək ”Kaspıa” olub.
Misal üçün Qəbələdə yerləşən “Qafqaz Yeddi Gozel Hotel”in adı dəyişdirilərək “Kaspıa Yeddi Gozel Hotel Gabala”, Lənkəranda yerləşən “Qafqaz Sahil Hotel”in adı dəyişdirilərək “Kaspıa Sahil Hotel Lankaran” adı verilib.
Qeyd edək ki, “Gilan Holdinq”ə daxil olan “Qafqaz” otellər şəbəkəsinə 13 otel daxil olub və bu mülklərin sahibi isə Fövqəladə Hallar Naziri Kəmaləddin Heydərov olduğu deyilir. (unikal.org)

Gölkəndli Tanrıverdi Mustafayevə “Tərəqqi” medalı verildi

Prezident İlham Əliyev bu gün Azərbaycanda energetika sahəsində səmərəli fəaliyyətinə görə bir qrup şəxsi təltif edib.

Ölkə başçısının “Tərəqqi” medalı ilə təltif etdiyi energetika işçiləri sırasında “Azərişıq” ASC-nin mətbuat katibi Tanrıverdi Mustafayev də var.

Qeyd edək ki, Tanrıverdi Mustafayev 1962-cı il yanvarın 4-də Qərbi Azərbaycanın Krasnoselo rayonunun Gölkənd kəndində kolxozçu ailəsində anadan olub. 1969-ci ildə doğma kəndlərindəki orta məktəbin birinci sinfinə gedib.

1979-ci ildə orta məktəbi başa vuraraq, Azərbaycan Politexnik İnstitutunun (indiki Azərbaycan Texniki Universitetinin) Avtomatika və Hesablama Texnikası fakültəsinin Sənaye elektronikası ixtisasına qəbul olub.

1984-cü ildə ali təhsilini uğurla başa vurub, təyinatla Kənd Təsərrüfatı Nazirliyinin Elmi-Təhqiqat Əkinçilik İnstitutunda kiçik elmi işçi vəzifəsində çalışmağa başlayıb.

1985-cil ilin aprelindən 1987-ci ilin aprelinə qədər göndərişlə Moldova EA-nın Ekoloji Genetika İnstitutunun İxtisasartırma və İxtisasdəyişmə Fakültəsində təhsilini davam etdirib.

1987-ci ilin oktyabrında Moldova EA-nın Ekoloji Genetika İnstitutunun aspiranturasına daxil olub.

1991-ci ildə aspiranturanı bitirib və biologiya elmləri namizədi elmi dərəcəsi alıb.

Hələ Sovet dövründə Moldova ilə Azərbaycan arasında elmi, mədəni əlaqələri saxlamaq və daha da inkişaf etdirmək üçün Moldova Azərbaycanları adət-ənənələri mərkəzi – “Araz” cəmiyyəti yaradıb.

Moldovanın Nazirlər Soveti yanında Milli Münasibətlər üzrə Dövlət Departamentinə (MMDD) işə dəvət olunub. Həmin Departamentdə Moldovada yaşayan azlıqlarla iş şöbəsinin müdiri təyin olunub.

1997-ci ildə Moldova prezidentinin Azərbaycana rəsmi səfəri çərçivəsində nümayəndə heyəti ilə birlikdə ölkəmizə gəlib və Heydər Əliyevlə görüşüb.

1998-ci ildə Moldova-Türkiyə hökumətlərarası iqtisadi, mədəni, elmi əlaqələr komissiyasının üzvü olub.

2001-ci ilin noyabrına qədər həmin vəzifədə çalışıb. 2001-ci ilin noyabrında Moldova nümayəndə heyəti tərkibində Dünya Azərbaycanlılarının I Qurultayında iştirak edib.

2002-ci ilin əvvəlində yenidən Moldovadan Azərbaycana gəlib. Fevral ayının 7-də Moldovadakı işini Azərbaycandakı işlə dəyişib: “Barmek” Azərbaycan Elektrik Şəbəkəsinin mətbuat və ictimaiyyətlə əlaqələr şöbəsinin müdiri təyin olunub. Hazırda “Bakı Elektrikşəbəkə ASC”nin Mətbuat xidmətinin rəhbəridir.


ABŞ-da Araz Ağalarovun hesablarını bağladılar

ABŞ-ın xüsusi məsələlər üzrə prokuroru Robert Müllerin Araz Ağalarovun Crocus Group Şirkəti ilə bağlı sualları barədə “BuzzFeed” nəşrində dərc olunan məqalədən sonra şirkət, Union Bank-dan nümayəndəliyin bütün korporativ bank hesablarının bağlanması haqda məktub alıb.

Bu barədə Crocus-un Regional inkişaf üzrə idarəsinin direktoru, şirkətin ABŞ-dakı nümayəndəsi İrakli Kaveladzeyə istinadən RBK məlumat yayıb.

Kaveladzenin sözlərinə görə, ABŞ-da Crocus Group nümayəndəliyinin hesabları yalnız Union Bank-da idi. Bu gün artıq üç bank şirkətin yeni hesabların açılması ilə bağlı müraciətlərini rədd edib.

“Bizim şirkətimizin ABŞ-da öz fəaliyyətini dayandırması real təhlükə altındadır. Və bu, ABŞ Maliyyə Nazirliyi nümayəndəsinin cinayətkar hərəkətlərinin məlum neqativ nəticələrinin yalnız kiçik bir hissəsidir”, — Kaveladze əlavə edib.

Dünən məlum olub ki, ABŞ-da Maliyyə Nazirliyinin əməkdaşını saxlayıblar, hansı ki, Vaşinqtondakı Rusiya səfirliyinin maliyyə fəaliyyəti, Mariya Butinanın və Trampın seçkiqabağı qərargahının sabiq başçısı Pol Manafortun casusluğu haqda “BuzzFeed” jurnalistinə məlumatların qanunsuz ötürülməsində şübhəli bilinir. Ehtimal olunur ki, həmin məlumatlardan Ağalarovun sazişlərindən, hansılarla ki, xüsusi prokuror maraqlanırdı, bəhs edən məqalədə istifadə edilə bilərdi.

Bir gün əvvəl Araz və Emin Ağalarovların maraqlarını təmsil edən vəkil Skott Balber, həmçinin Kaveladze RBK-ya deyiblər ki, bu, ABŞ federal hokümətinin yüksək vəzifəli əməkdaşı tərəfindən “etibarın hiddət doğuracaq dərəcədə pozulmasıdır”: “Görünür, hakimiyyətin qanunsuz davranışı abırsız siyasi gündəliyə əsaslanır. Biz mənim müştərilərimə vurulmuş zərərlə əlaqədar məhkəmə təhqiqatı imkanını araşdırırıq”.

Bu gün isə Kaveladze qeyd edib ki, şəxsən onun üçün “vəziyyətin faciəliliyi” və Amerikanın xanım məmurunun cinayətkar hərəkətləri yalnız “həssas informasiyanı qeyri-əxlaqi jurnalistin əllərinə verməsi”ndən ibarət deyil. “Problem ondadır ki, bütün bu zəncirin keçdiyi prosesdə oxucuya ciddi təhrif edilmiş məlumatlar çatdırılıb və de-fakto şəxsən mənim və şirkətimin nüfuzuna böyük zərər vurulub”, – deyə o, fikrini yekunlaşdırıb.

Xatırladaq ki, sentyabrın 21-də “Buzzfeed” prokuror Müllerin Ağalarovla Kaveladze arasında pul köçürmələri ilə maraqlandığı barədə material dərc etmişdi. “BuzzFeed”in məlumatına görə, Crocus Group sahibinin 3 iyun 2016-cı ildə, vəkil Natalya Veselnitskayanın ABŞ-ın gələcək prezidentinin oğlu kiçik Donald Trampla Trump Tower-də görüşəcəyi gün şirkət nümayəndəliyinin hesablarına $3,3 milyon köçürməyə cəhd etməsi Müllerdə maraq oyatmışdı. Sazişlər üç bankı əhatə etmişdi — Citibank, JPMorgan Chase və Morgan Stanley.

Onu da qeyd edək ki, Crocus Group-un ABŞ nümayəndəliyi “Tvoy Dom” ticarət şəbəkəsi üçün tikinti materiallarının və avadanlığın alınması ilə məşğul olur. (Virtualaz.org)


“Microsoft”un qurucularından biri vəfat etdi

“Microsoft” şirkətinin qurucularından olan Paul Allen vəfat edib.
Bu barədə Allenin sahibi olduğu investisiya firması “Vulcan” məlumat yayıb. 65 yaşlı IT mütəxəssisi, investor, xeyriyyəçi, musiqiçinin ölüm səbəbi limfa xərçəngidir.
Qeyd edək ki, Paul Allen 1975-ci ildə Bill Qeytslə birlikdə “Microsoft”un əsasını qoyub. O, 1982-ci ildə xərçəng diaqnozu qoyulandan sonra şirkəti tərk edib.

Hacıbala Abutalıbov: “Əgər sürüşmə zonasındakı torpaqları mən satmışamsa…”

Bakı şəhəri Səbail rayonu ərazisində – Badamdar şosesindəki (Badamdarla 20-ci sahəni birləşdirən yol) sürüşmə ilə bağlı ilkin rəy açıqlanıb. Bu barədə modern.az-a baş nazirin müavini Hacıabala Abutalıbov məlumat verib.

“Sürüşmə səbəbi sudur”

O qeyd edib ki, ilkin rəydə sürüşməyə səbəb su amili göstərilib: “Su olmayan yerdə sürüşmə olmur. Torpağın altındakı gil su daxil olanda sabun halını alır və üzərindəki torpağı sürüşdürüb aparır. İndi bizim məqsədimiz suyun səviyyəsinin süni surətdə azaldılmasına nail olmaqdan ibarətdir. Quyular qazılaraq nasoslar vasitəsilə çəkiləcək və suyun səviyyəsi aşağı salınacaq”.

Baş nazirin müavini torpaq qatının altına su yığılmasının səbəblərinə də aydınlıq gətirib: “Birincisi, ümumiyyətlə, Badamdar-3 massivində kanalizasiya sistemi yoxdur. İkincisi, bu ərazi 1860-cı ildən bəri sürüşmə zonasıdır və həmişə sürüşüb. 2015-ci ildə bununla bağlı Nazirlər Kabientinin qərarı var. Xüsusi qərara görə, ərazi aktiv sürüşmə zonasına daxildir və orada heç bir tikinti həyata keçirilə bilməz”.

“O torpaqları mən satmışamsa…”

H.Abutalıbov həmin ərazidəki torpaqların onun mer olduğu dövrdə ayrı-ayrı imkanlı adamlara satıldığı iddialarını da cavablandırıb: “Sizin mülahizələriniz ki var bu yerlər mənim mer olduğum dövrdə satılıb, buna da cavab verirəm.
Birincisi, o torpaqlar dövlət torpağıdır və satılmır. İkincisi, mən 3 gündür ərazidəyəm. 11 evin hamısının sakinlərilə də görüşərək, xəbərdarlıq etmişəm. Hər birinə demişəm ki, bu evlərin hamısı söküləcək. Və sökülməzdən əvvəl bu sürüşmə davam etdiyi üçün fəlakət tikililəri aparacaq. Əgər o torpaqları sakinlərə mən Hacıbala Abutalıbov tərəfindən – hansı ki bu, ömrümdə ola bilməz – yaxud bir başqası tərəfindən satılsaydı, sözsüz bu 11 nəfərdən biri etiraz edərdi. Çıxıb mənə deyərdi ki, “ay Hacıbala müəllim, siz satıbsız axı”. Bu sözü eşitməmişəm. Çünki belə bir şey olmayıb.

İkincisi, evlər sökülsə də, sahiblərinə kompensasiya verilməyəcək. Çünki əhali bilirdi ki, orada ev tikmək olmaz. Bu gün evlərdən birinin böyük divarı sürüşdü. Yəni proses gedir, onsuz da hamısı sürüşəcək. Ona görə də yenə də deyirəm, bu evlərin qalma ehtimalı sıfırdır. Təbii fəlakət baş verib və proses davam etdiyindən evlərin hamısı təbii olaraq sürüşəcək, dağılacaq”.

“Sizin işiniz sual vermək, mənim vəzifəm…”

H.Abutalıbov hər zaman ünsiyyətdə olduğu jurnalistlərə də çağırış edib: “Siz jurnalistlərin vəzifəsi iddia edilən, müzakirəyə çıxarılan məsələlərlə bağlı sualları mənə ünavanlamaqdır. Çünki bunlara aydınlıq gətirildikcə, oxunursunuz. Mənim də borcum ünvanlanan sualları cavablandırmaq, təbliğ etmək və məsələlərə hüquqi qiymət verilməsinə çalışmaqdır. Bunların hamısı normal proseslərdir. Amma yazanda vicdanınızın səsinə də qulaq asın. Elə edin ki, məni dahi Lev Tolstoyun ömrünün axırıncı illərindəki vəziyyətə salmayasınız. Düzdür, Tolstoy ömrünün sonunu tənhalıqla başa vurdu. Amma bir şeyi də yaddan çıxarmayın ki, mən hər şeyə dözənəm. Çünki tənhalıq özü də xoşbəxtlikdir”.

“Vicdanla yazın”

Baş nazir müavininin “Hacıbala müəllim, niyə özünüzü tənha hiss edirsiniz, axı siz tək deyilsiniz” sualına cavabı belə olub:

“Yox, mən ümumiyyətlə deyirəm. Bilin ki, tənhalıq da bir xoşbəxtlikdir. Tək olsan da sən özün, vicdanın, xeyirxahlığınla bir yerdə yaşayırsan. Ona görə deyirəm ki, bütün jurnalistlər vicdanla yazsınlar”.

Qeyd edək ki, 2018-ci il oktyabr ayının 12-də gecə saatlarında Bakı şəhəri Səbail rayonu ərazisində – Badamdar şosesində (Badamdarla 20-ci sahəni birləşdirən yol) torpaq qatı asfaltın üstünə qədər gəlib. Sürüşən torpaq qatının eni 250, uzunluğu 200, hündürlüyü isə 15 metrdən artıqdır.

Hadisə nəticəsində həmin yolda nəqliyyatın hərəkəti məhdudlaşdırılıb və yamacda yerləşən 8 fərdi yaşayış evinin (villa) sahiblərinə evləri müvəqqəti boşaltmaq tapşırılıb. Hazırda həmin villalar gözətçilər tərəfindən qorunur.


Azərbaycanda yeni xəbər telekanalı yayıma başlayacaq

“Azərbaycanda ixtisaslaşmış (xəbər) yeni televiziya kanalının yerüstü yayımı üçün 2,4 kilovat gücündə radioverici alınıb”. Bunu Milli Televiziya və Radio Şurasının (MTRŞ) Maliyyə və texniki nəzarət şöbəsinin müdir müavini İsa Məmmədov deyib.

MTRŞ rəsmisi qeyd edib ki, xəbər kanalı oktyabrın sonunda yayıma başlamalıdır: “Əslində, kanal yayım üçün tam hazırdır. Artıq Bakıdan veriliş gedir. Siqnal olduqdan sonra yerüstü yayıma keçmək çətin deyil. Yayımın Full HD formatında olması nəzərdə tutulub”.

İ.Məmmədov bildirib ki, telekanal ya “ARB Xəbər”, ya da “ARB 24” adı altında fəaliyyət göstərəcək: “Gedib işlərlə tanış olmuşam. Əslində, hər şey tam hazırdır və bu gün də yerüstü yayıma çıxa bilərlər. Yəqin ki, hələ özləri sınaq edirlər”.

O, həmçinin xatırladıb ki, “Türkel TV” MMC yeni ixtisaslamış televeziya kanalının yayımına hazırlıq məqsədi ilə Tovuz rayonundan Bakıya köçən müddətdə peykdə yayım müvəqqəti dayandırılmışdı, lakin indi yayım bərpa olunub.

Qeyd edək ki, MTRŞ “Türkel TV” MMC-ni (ARB 24) ümumrespublika televiziya yayım kanalının açılması üçün (Bakı şəhəri və Abşeron yarımadasında 31-ci TV yayım kanalı) 16 noyabr 2017-ci il tarixdən 16 dekabr 2017-ci il tarixədək elan edilmiş müsabiqənin qalibi elan edib və ona 31-ci TV yayım kanalında ümumrespublika televiziya yayımı üçün müddətsiz lisenziya verib.


Azərbaycanda dəhşətli cinayət – Arvad ərinin qətlini sifariş etdi

Hüquq-mühafizə orqanlarından verilən məlumata görə, hadisə Lerik rayonunda qeydə alınıb.

Belə ki, bu ilin iyun ayında rayonun Lərmərud kənd sakini Mail Ağayevin meyiti yol kənarında idarə etdiyi avtomobilin yanında aşkar edilib. Hadisədən dərhal sonra faktla bağlı Cinayət Məcəlləsinin 263.2-ci (yol hərəkəti qaydalarını pozma – ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb. İstintaq zamanı M. Ağayevin yol-nəqliyyat hadisəsi nəticəsində ölmədiyi, onun qətlə yetirildiyi müəyyənləşib.

Məlum olub ki, M. Ağayevin həyat yoldaşı Nailə Ağayeva ilə münasibətləri gərgin olub. Əri tərəfindən döyülməsini qəbul edə bilməyən N. Ağayeva bu barədə dostu Aqil Baxşıyevə məlumat verib. Dostuna ərini öldürmək istədiyini deyən N.Ağayeva ondan bunu həyata keçirməkdə yardım istəyib. A.Baxşıyev qohumu Vəfalı Əliyevlə birgə M. Ağayevi meşəyə aparıb orda öldürüblər. Daha sonra onun meyitini yol kənarına idarə etdiyi avtomobilin yanına ataraq qaçıblar. Hər kəs onun yol qəzası nəticəsində öldüyünü ehtimal edib.

İstintaqla M.Ağayevin qəsdən öldürüldüyü müəyyən edildikdən sonra faktla bağlı başlanmış cinayət işi Cinayət Məcəlləsinin 120.1-ci (qəsdən adam öldürmə) maddəsinə tövsif edilib. Cinayətdə adı keçən mərhumun arvadı Nailə Ağayeva, arvadının dostu Aqil Baxşıyev və Vəfalı Əliyev şübhəli şəxs qismində tutulublar.

Hazırda cinayət işi üzrə istintaq hərəkətləri davam etdirilir. (open.az)


Tramp Putini ittiham etdi – Onun qətllərdə və zəhərlənmələrdə əli var

ABŞ prezidenti Donald Tramp Rusiya prezidenti Vladimir Putini ittiham edib.

“Exo Moskvı” radiosuna istinadən xəbər verilir ki, bu fikirləri Ağ Evin sahibi CBS kanalına verdiyi müsahibəsi zamanı deyib.

Onun sözlərinə görə Putinin qətllərdə və zəhərlənmələrdə əli ola bilər. Çünki bütün bu hadisələr ABŞ ərazisində baş verməyib.

Tramp çıxışında Ukraynaya ən modern silah və tank əleyhinə sistemlərin də verilməsini etiraf edib.

O, Çinin dəyirmanına da daş atıb: “Bu ölkə Rusiyadan fərqli olaraq rəsmi Vaşinqton üçün daha təhlükəlidir”. (AzNews.az)


Nazim Hikmətin oğlu vəfat etdi – Ömrü boyu atası ilə küsülü olub

Məşhur şair Nazim Hikmətin oğlu, rəssam Mehmet Nazim 67 yaşında Fransada vəfat edib.

Türkiyə mətbuatı xəbər verir ki, şairin oğlunun ölümünü Mehmet Nazimin Parisdə yaşayan dostu Utku Varlık sosial şəbəkədə elan edib.

Qeyd edək ki, Mehmet Nazim şair Nazim Hikmətin 1950-ci ildə həbsxanadan azad edildikdən sonra Münevver Andaçla olan vətəndaş nikahından dünyaya gəlib. Nazim Hikmet oğlu 3 aylıq olarkən Türkiyəyə qayıdıb. Mehmet Nazim atası Nazim Hikmətlə küsülü olub. Oğlu ölümünə qədər atası haqqında heç bir məlumat verməyib. (Publika.az)

N.Hikmətin oğlu üçün yazdığı şeirdə övlad həsrətini belə ifadə edib:

“Karşı yaka memleket,

sesleniyorum Varna’dan,

işitiyor musun?

Memet! Memet!

Karadeniz akıyor durmadan,

deli hasret, deli hasret,

oğlum, sana sesleniyorum,

işitiyor musun?

Memet! Memet!”


Zəng edin, görüşün, müzakirə edin və 15 gündən sonra saytınıza bütün dünya baxsın...
© 2018 ASSA – DİZAYN | Design Theme by: D5 Creation | Powered by: WordPress
Scroll Up