WordPress və Opencart proqramlarında yığılan saytlar:

sep

Hər şey telefon zəngindən sonra başlayır... Bizi Facebook-da arayın...

Tel: +994 50 220 82 84

Read more...

Bir içim su, bir mesaj və saytınız hazır... info@assanews.com

Boş vaxtınızda YouTube kanalımıza da baxın...

Read more...
sep

<<< Show Posts >>>

Gürcüstanda prezident seçkiləri: ikinci tur dekabrın 2-dək keçiriləcək

Gürcüstanda prezident seçkilərinin qalibi ikinci turda məlum olacaq. İkinci tur isə dekabrın 2-dək keçirilməlidir.

Gürcüstan Mərkəzi Seçki Komissiyasından bildiriblər ki, dairə seçki komissiyaları prezident seçkilərinin nəticələrini noyabrın 8-dək yekunlaşdırmalıdırlar. Son protokollar MSK-ya noyabrın 9-dan gec olmayaraq göndərilməlidir.

MSK-nın ilkin məlumatlarına əsasən, prezidentliyə namizəd Salome Zurabişvilinin lehinə 614 min 964 seçici səs verib və o, səslərin 38,66 faizini qazanıb. Onun əsas rəqibi Qriqol Vaşadze isə 599 min 662 səs toplamaqla 37,7 faizlə ikinci yerdədir.

Digər namizədlərdən David Bakradze 10,97 faiz, Şalva Natelaşvili 3,76 faiz, David Usupaşvili 2,26 faiz, Zurab Caparidze 2,26 faiz və Kaxa Kukava 1,33 faiz səs toplayıblar.

Qalan 16 namizədin hər biri isə 1 faizdən az səs toplayıblar.


Səudiyyə Ərəbistanının baş prokuroru İstanbula gəldi – Camal Kaşıkçı cinayəti

Səudiyyə Ərəbistanının Baş prokuroru şeyx Səud əl-Muacib Camal Kaşıkçının qətli ilə bağlı təhqiqat çərçivəsində İstanbula gəlib.

Anadolu informasiya agentliyinə istinadla xəbər verilir ki, Əl-Muacibin şəxsi təyyarəsi ötən gecə “Atatürk” hava limanına enib. Səfər zamanı o, İstanbulun Baş prokuroru İrfan Fidanla görüşəcək. Həmçinin Əl-Muacibin qətlin baş verdiyi Baş konsulluqda yoxlama aparacağı da gözlənilir.

Xatırladaq ki, Camal Kaşıkçı oktyabrın 2-də sənədləşmə ilə bağlı Səudiyyə Ərəbistanının İstanbuldakı baş konsulluğuna gəlmiş və həmin vaxtdan itkin düşmüşdü. Oktyabrın 20-də Səudiyyə Ərəbistanının baş prokurorluğu jurnalistin diplomatik missiyada yaranmış mübahisə nəticəsində öldüyünü bildirsə də sonradan cinayətin planlı şəkildə törədildiyini etiraf etmişdi.

Hadisə ilə bağlı Səudiyyə Ərəbistanında 18 nəfər saxlanılıb. Onların şəxsiyyəti açıqlanmır.


İlham Əliyev Trampa başsağlığı verdi

Azərbaycan Respublikasının Prezidenti İlham Əliyev Amerika Birləşmiş Ştatlarının Prezidenti Donald Trampa başsağlığı məktubu göndərib.

Dövlətimizin başçısı Pittsburq şəhərində sinaqoqa silahlı hücum nəticəsində insan tələfatı barədə xəbərin onu olduqca kədərləndirdiyini bildirib.

Prezident İlham Əliyev baş vermiş bu faciə ilə əlaqədar amerikalı həmkarına, həlak olanların ailələrinə və yaxınlarına, bütün Amerika xalqına öz adından və Azərbaycan xalqı adından dərin hüznlə başsağlığı verib.


Təyyarə qəzaya uğradı: 189 nəfər öldü – VİDEO

İndoneziyada “Boinq 737” sərnişin təyyarəsi qəzaya düşüb.

“Lion Eyr” aviaşirkətinə məxsus təyyarə Cakarta aeroportundan havaya qalxdıqdan bir neçə dəqiqə sonra radarlardan itib.

Hadisə şahidləri təyyarənin dənizə düşdüyünü bildiriblər. İddialara görə, təyyarənin göyərtəsində, ekipaj da daxil olmaqla, 189 nəfər olub.

***

Təyyarə Yava adasının qərb sahillərinə düşüb. Axtarış-xilasetmə tədbirləri başlayıb.

“Sinxua” agentliyi təyyarənin qəzadan əvvəl aeroporta geri qayıtmaq barədə xəbərdarlıq etdiyini yazıb.

***

Bakı vaxtı ilə saat 03:20-də JT-610 reysi ilə Cakartadan Pankalpianq şəhərinə uçan Boinq 737-800 təyyarəsi cəmi 13 dəqiqə sonra radarlardan yoxa çıxıb.

“Lion Eyr” şirkəti təyyarənin 2018-ci ilin avqustunda istifadəyə verildiyini bildirib.

Şirkət təyyarədə olanların sayını da açıqlayıb. Bildirilib ki, təyyarədə 181 sərnişin və 4 heyət üzvü olub.

İndoneziya nəqliyyat təhlükəsizliyi üzrə komitənin sədri təyyarənin qalıqlarının dənizin 30-40 metrliyində olduğunu bildirib.

Təyyarədə 181-189 sərnişin olduğu bildirilib.

***

İndoneziya Fövqəladə Halların Aradan Qaldırılması Komissiyasının nümayəndəsi təyyarədə olanların hamısının öldüyünü deyib.

Onun sözlərinə görə, artıq 1 nəfərin meyiti sudan çıxarılıb.

“Cakarta Post” qəzeti isə İndoneziya Maliyyə Nazirliyinin 20 əməkdaşının da qəza zamanı təyyarədə olduğunu yazıb. (Axar.az)


Piyada can verir: təcili yardım gecikir, vətəndaşlar deyib-gülür… – “Məni yox e, onu çək”

Bu gün səhər saatlarında Dərnəgül yolunda ağır yol-nəqliyyat hadisəsi baş verib.

“Koroğlu” metrostansiyası istiqamətində hərəkət edən 99-XL-927 “Ford” markalı yük avtomobili yolun hərəkət hissəsindən keçən piyadanı vurub. Əraziyə dərhal yol polisi və təcili yardım çağırılıb. Hadisə şahidlərinin əməkdaşımıza bildirdiyinə görə, təcili yardım isə çağırılandan xeyli gec gəlib.

Bu arada hadisəni kənardan izləyən vətəndaşlar zarafatlarından da qalmayıblar. Təcili yardımın hadisə yerinə gecikdiyini deyən şəxsi çəkmək istəyən əməkdaşımıza “məni yox e, onu çək” deyərək dişlərini ağardan şəxsin görüntülərini təqdim edirik. (“Ölkə.Az”)

 


Rusiyalı xokkeyçi ölkəsini Kanada pasportuna dəyişir – “Uşaqlarım azad ölkədə yaşamaq istəyir”

Rusiyalı xokkeyçi Nikolay Kulemin ölkəsini Kanada pasportuna dəyişir. Bunun üçün o, sənədlərini Kanada məhkəməsinə verib.

Rusiya mediasına istinadən xəbər verilir ki, “Sport24” nəşri onun karyerası haqda geniş informasiya toplayıb.

2005-ci ildə Rusiyanın “Metallurq” komandasında debüt edən xokkeyçi Nikolay Kulemin növbəti mövsümdə Maqnitoqorsk şəhərində 54 oyunda 37 şayba vurub və nəticədə 39 xal qazanıb. Həmin il ölkə çempionatında Rusiyanın ən yaxşı oyunçusu adını qazanıb və “Qızıl kluşka” mükafatına qayiq görülüb. 2006-cı ildə Rusiya çempionu olan Nikolay play-off matçlarında Kazanın “Ak Bars” komandasına 5 oyunda 4 şayba vurub.

Rusiya yığmasının hücumçusu Nikolay Kulemin okeandan o tərəfdə Milli Xokkey Liqasında (NHL) 10 mövsüm keçirib.

İlk dəfə NHL-də meydançaya o, 2008-ci ildə Kanadanın “Toronto Meypl Lifs” klubunun heyətində 44 nömrə ilə oyunun 2-ci raundunda çıxıb. Bir ildən sonra isə bu klubla 3 illik müqavilə imzalayıb. Ağcaqayın yarpaqlı forma ilə 6 mövsüm şayba qovub.

2012-2013-cü illərdə o, Rusiyada doğma klubunun heyətində oynayıb.

2014-cü ildə isə ABŞ-a köçüb, “Nyu-York Aylenders” komandasında oynamağa başlayıb.

6 aydan sonra Kanada vətəndaşlığını almaq üçün məhkəməyə müraciət edib. Ancaq 2017-ci ilin payızında Kuleminə və onun həyat yoldaşı Natalyaya “yox” cavabı gəlib. Məhkəmənin motivasiyası isə belə olub ki, Nikolay uzun müddət Kanadada yaşamayıb.

Məhkəməyə daxil olan məlumata görə xokkeyçi 2012-2013-cü illərdə müvəqqəti olaraq Rusiyaya köçüb və “Metallurq” klubunda oynayıb.

“Hətta onun “Rusiya mənə çox şey verib, ancaq Kanadanı özümə doğma vətən hesab edirəm. Mənim evim Kanadadadır və istəyirəm ki, uşaqlarım azad və demokratik bir ölkədə yaşasınlar” sözləri də məhkəməni qane etməyib.

Nəhayət, o, Milli Xokkey Liqasından təklif olmadığına görə 2018-ci ildə ABŞ-dan Rusiyaya qayıtmalı olur və Maqnitoqorsk şəhərinin “Metallurq” klubu ilə 3 illik müqavilə bağlayır.

“Sport-Ekspress” qəzetinin yazdığına görə oyunçu bu klubda 500 milyon rubl qazanacaq.

Rusiyaya qayıtdıqdan sonra o, özünün İnstagram səhifəsində belə yazıb: “Mən Milli Xokkey Liqasına, xüsusilə “Toronto” və “Aylenders” klublarına minnətdarlıq edirəm ki, 10 mövsüm okeandan o tərəfdə şayba qovmuşam. Bu, təbii ki, az müddət deyil. İndi isə çalışdığım komandanı həmişə qələbəyə doğru aparacağam”.

Xatırladaq ki, 1986-cı ilə Maqnitoqorsk şəhərində anadan olan Nikolayın xokkey həyatı da məhz bu şəhərlə bağlıdır.

32 yaşlı hücumçunun arzusu Olimpiada-2022-də oynamaqdır: “Bundan sonra Rusiyada qalmaq fikrim yoxdur”.

Bu günlərdə Kanadanın Federal Məhkəməsi xokkeyçinin və onun həyat yoldaşının apelyasiya şikayətinə baxıb.

Kulemin və onun vəkili Lev Abramoviç öz ərizələrində yazıblar ki, xokkeyçinin Toronto şəhərində evi var və onun sosial əlaqələri məhz bu şəhərlə bağlıdır.

Xokkeyçi bildirib ki, vətəndaşlıq alacağı təqdirdə Torontoda könüllü olaraq yerli komandaların hücumçularının hazırlığı ilə məşğul olacaq.

Nəticədə məhkəmə onun şikayətinə müsbət cavab verib. İndi cütlüyün Kanada vətəndaşlığı almaq məsələsinə yenidən baxılacaq.

Xokkeyçi Rusiyanın “Metallurq” komandasına qayıdışına da səmimi cavab verib: “Milli Xokkey Liqasında karyera çox qısa olur. Oyunçular özlərinin gələcək təminatlarını xokkeydən getməzdən öncə həll etməlidirlər”. (AzNews.az)


Rusiyanın məşhur aktyoru vəfat etdi – 74 yaşında

Rusiyanın tanınmış aktyoru 74 yaşlı Nikolay Karaçençov dünyasını dəyişib.

Rusiya mediasına istinadən xəbər verilir ki, bu haqda məlumatı TASS agentliyinə aktyorun oğlu Andrey Karaçençov verib.

“Bəli, onun ölümünü biz təsdiq edirik. Bu gün o, Moskvada yerləşən 62-ci xəstəxananın reanimasiyasında səhər saat 08.50 radələrində vəfat edib”, – deyə Andrey bildirib.

Aktyorun həyat yoldaşı Lyudmila Porqina agentliyə ərinin ölümündən danışıb: “Hazırda onun vida və dəfn mərasiminin təşkili ilə məşğuluq”.

Xatırladaq ki, Karaçençov Rusiyada onlarla filmdə rol alıb. 2005-ci il fevral ayının 25-də o, avtomobil qəzasına düşüb və nəticədə beynindən ağır zədə alıb. (ASSA news)


Putindən müsahibə alan və işdən qovulan amerikalı jurnalist – 50 milyon dollar tələb edir

Xəbər verildiyi kimi dünən NBC News telekanalının aparıcısı Meqin Kelli efirdə işlətdiyi ifadələrinə görə işdən qovulub. Bu gün isə jurnalist kanal rəhbərliyindən 50 milyon dollar kompensasiya tələb edib.

Rusiya mediasına istinadən xəbər verilir ki, bu haqda məlumatı TMZ nəşri yayıb.

Mənbə bildirir ki, Kellinin illik qazancı 25 milyon dollar olub. Onun 3 illik müqaviləsinin bitməsinə isə 1 il 10 ay qalıb. Bu baxımdan müqaviləyə xitam verilməsi üçün o, kanal rəhbərliyindən 50 milyon dollar tələb edib.

Variety nəşri yazır ki, telejurnalistin maraqlarını “Freedman & Taitelman” şirkətindən olan tanınmış vəkil Brayan Fridman qoruyacaq.

İşdən çıxarılmasına səbəb isə oktyabr ayının 23-də efirə gedən “Today Show” proqramında Kellinin hellouin geyimləri haqda dediyi fikirlər olub. Səhərisi gün o, canlı efirdə fikirlərinin səhv olduğunu deyərək üzr istəyib. Ancaq buna baxmayaraq dünən onun verilişi efirə getməyib. Yeni proqramın yerində isə jurnalistin köhnə proqramı yayımlanıb.

Meqin Melli 2014-cü ildə Time versiyasına görə “100 ən nüfuzlu insanlar”ın siyahısına daxil olunub. O, iki dəfə Rusiya prezidenti Vladimir Putindən müsahibə alıb.

2017-ci ilin iyununda isə prezidentin iştirakı ilə keçirilən Peterburq beynəlxalq iqtisadi forumunda moderatorluq edib. (AzNews.az)


Azərbaycan neftinin qiyməti bahalaşdı

Azərbaycan neftinin qiyməti bahalaşır.

“Azeri Light” markalı neftin bir barrelinin qiyməti 0,06 dollar bahalaşaraq 78,12 dollar təşkil edib.

Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma çataraq 149,66 dollar olub.


Avropa Liqası: “Qarabağ” Bakıda yenə uduzdu

Oktyabrın 25-də UEFA Avropa Liqasının üçüncü turuna yekun vurulub.

Turun gözlənilməz hesabı Türkiyədə qeydə alınıb. “İ” qrupunda yer alan “Beşiktaş” doğma meydanda Belçikanın “Genk” klubuna 2:4 hesabı ilə uduzub. Qrupun digər oyunuda “Malmö” səfərdə “Sarpsborg 08″la 1:1 hesabı ilə heç-heçə edib.

Digər Türkiyə təmsilçisi “Fənərbağça” isə səfərdə Belçikanın “Anderlext” klubu ilə heç-heçə edib (2:2). “D” qrupunun digər oyununda “Spartak Trnava” doğma meydanda “Dinamo Zaqreb”ə uduzub (1:2).

İspaniyanın “Sevilya” klubu Türkiyənin digər təmsilçisi “Akhisarspor”u 6:0 hesabı ilə darmadağın edib.

Azərbaycan milli komandasının futbolçusu Riçard Almeydanın çıxış etdiyi “Astana” klubu səfərdə Çexiya “Yablonets”i heç-heçə edib – 1:1.

Turun digər oyunlarında aşağıdakı nəticələr qeydə alınıb:

A qrupu

AEK (Kipr) – “Lüdoqorets” (Bolqarıstan) – 1:1

Sürix” (İsveçrə) – “Bayer” (Almaniya) – 3:2

B qrupu

“Leyptsiq” (Almaniya) – “Seltik” (Şotlandiya) – 2:0

“Zaltsburq” (Avstriya) – “Rusenborq” (Norveç) – 3:0

C qrupu

“Kopenhagen” (Danimarka) -“Slaviya” (Çexiya) – 0:1

“Zenit” (Rusiya) – “Bordo” (Fransa) – 2:1

E qrupu

“Qarabağ” (Azərbaycan) – “Vorskla” (Ukrayna) – 0:1

“Sportinq” (Portuqaliya) – “Arsenal” (İngiltərə) – 0:1

F qrupu

“Milan” (İtaliya) – “Betis” (İspaniya) – 1:2

“Düdelanj” (Lüksemburq) – “Olimpiakos” (Yunanıstan) – 0:2

G qrupu

“Reyncers” (Şotlandiya) – “Spartak” (Rusiya) – 0:0

“Vilyarreal” (İspaniya) – “Rapid” (Avstriya) – 5:0

H qrupu

“Ayntraxt” (Almaniya) – “Apollon” (Kipr) – 2:0

“Marsel” (Fransa) – “Latsio” (İtaliya) – 1:3

J qrupu

“Standard” (Belçika) – “Krasnodar” (Rusiya) – 2:1

K qrupu

“Renn” (Fransa) – “Dinamo” (Ukrayna) – 1:2

L qrupu

Çelsi” (İngiltərə) – BATE (Belarus) – 3:1

PAOK (Yunanıstan) – “Videoton” (Macarıstan) – 0:2


Zəng edin, görüşün, müzakirə edin və 15 gündən sonra saytınıza bütün dünya baxsın...
© 2018 ASSA – DİZAYN | Design Theme by: D5 Creation | Powered by: WordPress
Scroll Up