WordPress və Opencart proqramlarında yığılan saytlar:

sep

Hər şey telefon zəngindən sonra başlayır... Bizi Facebook-da arayın...

Tel: +994 50 220 82 84

Read more...

Bir içim su, bir mesaj və saytınız hazır... info@assanews.com

Boş vaxtınızda YouTube kanalımıza da baxın...

Read more...
sep

<<< Show Posts >>>

Facebook və Google-nun sonu gəlir – Ümumdünya hörümçək torunu yaradan şəxs

Silikon vadisinin texnoloji qiqantlarından hesab edilən Facebook və Google-nun sənu gəlir.

Rusiya mediasına istinadən xəbər verilir ki, bu fikirləri Ümumdünya hörümçək torunun yaradıcısı Tim Berners-Li səsləndirib.

“Onlar çox dominantlıq edir, artıq məhv etməyin vaxtı yetişib”, – deyə www-nun atası ABŞ-ın Reuters nəşrinə bildirib.

Massaçusets texnoloji institutunun və Oksford universitetinin professoru Tim Berners-Li internetin hazırkı durumundan şikayət edib. O, Facebook-da 87 milyon istifadəçinin məlumatlarının oğurlanması insidentindən də məyus olduğunu açıqlayıb.

Qeyd edək ki, noyabr ayının 2-nə olan məlumata görə Facebook-un gəliri 438 milyard dollar təşkil edib. Bu ilin yayında isə həmin rəqəm 500 milyard olub.

Facebook-un sahibi Mark ona məxsus olan aksiyaların azalmasına görə 13 milyard dollar itirib.

2018-ci ilin martında ABŞ Senatı qarşısında çıxış edən Mark Çuberberq Facebook istifadəçiləri qarşısında üzr istəyib.

Alınan son məlumata görə, hakerlər 257 min Facebook istifadəçisinin məlumatlarını ələ keçirib. Bu da o deməkdir ki, Markın bildirdiyi kimi, Facebook-un təhlükəsizliyi heç də yüksək səviyyədə qurulmayıb. (AzNews.az)


Poroşenkonun Rusiya sanksiyasına cavabı – Ukraynadan rədd olsunlar!

Xəbər verildiyi kimi Rusiyanın baş naziri Dmitri Medvedevin qərarı ilə Ukraynaya sanksiya tətbiq edilib. Ukrayna prezidenti Petr Poroşenko Kiyev şəhərində rəsmi səfərdə olan Almaniya kansleri Angela Mergellə görüş zamanı Rusiyanın sanksiyasına “Ukraynadan rədd olsunlar” cavabını verib.

Ukrayna mediasına istinadən xəbər verilir ki, bu haqda informasiya həftəlik “Seqodnya” gündəliyində yayılıb.

Məlumata görə, Poroşenko bildirib ki, Rusiya sanksiya tətbiq etmək əvəzinə sadə bir şeyi həyata keçirməlidir:

“Bu da qoşunlarını Ukraynadan çıxartmaqdır. O zaman Ukraynanın ərazi bütövlüyü bərpa olunacaq. Sanksiyaların tətbiqi isə heç də təsadüfi deyildi. Burada mənim oğlum da daxil olmaqla çox nüfuzlu insanların adları var”.

Qeyd edək ki, Ukrayna prezidenti Petr Poroşenko iki günlük rəsmi səfərlə Türkiyəyə gedib. (AzNews.az)


Nazarbayevlə Lukaşenko arasında ayaqqabı söhbəti – Haradan alıbsan?

Xəbər verildiyi kimi Qazaxıstan prezidenti Nursultan Nazarbayev görüşlərin birində Belarus prezidenti Aleksandr Lukaşenkonun ayaqqabılarına baxaraq ona belə bir sual verib. “Bu ayaqqabını haradan alıbsan?”. O isə ayaqqabını çıxararaq “Belarusun “Makro” firmasından” cavabını verib. Və əlavə edib ki, bu nə İtaliya, nə də Fransadan alınıb, öz istehsalımızdır.

Bu gün Lukaşenko “Marko” holdinqinin tərkibində fəaliyyət göstərən Vitebsk xəz kombinatında işçilərlə görüş zamanı yenidən o söhbəti xatırlayıb.

Rusiya mediasına istinadən xəbər verilir ki, bu haqda informasiyanı BelTA agentliyi yayıb.

Belarus prezidenti bu müəssisənin də keyfiyyətli məhsul istehsal edəcəyinə inandığını bildirib və holdinqin baş direktoru Nikolay Martınovu xeyli tərifləyib: “O, özünü yaxşı sahibkar kimi sübut etdi”. (AzNews.az)


Ərdoğan Həbibi Ankaraya dəvət etdi – Həmzə, onu mənim yanıma gətir

Xəbər verildiyi kimi, dağıstanlı döyüşçü Həbib Nurməhəmmədov Türkiyənin İstanbul şəhərində 3-cü aeroportun açılışına qatılaraq zalda Türkiyə prezidenti Rəcəb Tayyib Ərdoğanla görüşüb.

Dünən gecə həmin görüşün bəzi detalları açıqlanıb.

Türkiyə mediasına istinadən xəbər verilir ki, prezident döyüşçü ilə yarı türk, yarı ingiliscə söhbət edib. Ərdoğan onu irlandlı Konor Makqreqor üzərində parlaq qələbəsinə görə təbrik edib.

Türkiyənin gənclik və idman nazirinin köməkçisi Həmzə Yerlikayanın təşkilatçılığı ilə İstanbula gələn idmançını Ərdoğan Ankaraya – prezident iqamətgahına dəvət edib.

O, Yerlikayaya müraciət edərək belə deyib: “Həmzə, onu sonra mənim yanıma gətir”. (AzNews.az)


Necə oldu ki, kiçik Çeçenistan böyük Rusiyanı məğlub etdi?

Rusiya üçün birinci çeçen müharibəsi sadəcə rüsvayçı olub. Kiçik Çeçenistanın hərbi birləşmələri ABŞ-ın hərbi gücündən geri qalmayan böyük Rusiyaya məğlub olmadı, əksinə döyüşlərin nəticəsində Çeçenistan faktiki olaraq müstəqillik əldə etdi və terrorçuların aktivləşməsi baş verdi. Bu isə 2-ci çeçen müharibəsinə bir körpü oldu. Rusiya bu dəfə də uduzdu.
inosmi.ru saytına istinadən xəbər verilir ki, bu fikirləri Çinin Sohu nəşri yazıb.
Mənbə bildirir ki, çeçen-rus müharibəsində 4 min rus əsgəri və zabiti həlak olub. Polis general-mayoru Viktor Vorobyov da adını o siyahıya yazdıra bilib. 100 min dinc sakinin də öldüyü deyilir.
Bu müharibədə 18 min insan yaralanıb. Nəticədə Çeçenistandakı tikililərin və infrastrukturların demək olar ki, böyük əksəriyyəti tamamilə dağıdılıb, Çeçenistanın paytaxtı Qroznı şəhəri yerlə-yeksan olub.
Bəs nəyə görə, ruslar kimi “döyüşkən xalq” bu müharibədə belə məğlubiyyətə düçar olub?
Birincisi, onlar çeçen hərbi qüvvələrinin gücünü qiymətləndirə bilməyiblər.
Müdrik insanlardan biri belə yazıb: “Strategiya haqda düşünəndə, düşməninə yuxarıdan bax. Taktika haqda düşünəndə isə onunla hesablaş”.
1-ci çeçen müharibəsində Rusiya çeçen qoşunlarına nə strategiya, nə də taktika baxımından xüsusi diqqət ayırmayıb.
1994-cü il dekabr ayının 11-də Cövhər Dudayev Çeçenistanın müstəqilliyini elan edəndən 3 il sonra Yeltsinin səbri, nəhayət tükənməyə başladı və qoşunlara Çeçenistana daxil olmaq əmrini verdi. Məqsəd isə Çeçenistanda sülhü və konstitusiya qayda-qanunu bərpa etmək, o bölgədə yaşayan rusların hüquq və azadlıqlarını qorumaq, qan tökülməsinin qarşısını almaq olub.
O vaxtlar müdafiə naziri vəzifəsində çalışan Pavel Qraçev bəyan edib ki, çeçen məsələsini 10 günə həll etmək olar: “Bunun üçün 2 desant alayını ora çıxartmaq bəs edər və Qroznı qan tökülmədən ələ keçər”.
Ancaq döyüşlər göstərdi ki, heç də Qroznını almaq asan məsələ deyil. 10 günə nəzərdə tutulan müharibə 2 il çəkdi. Nəticədə də ruslar öz istəklərinə çata bilmədilər, əksinə küncə qısıldılar.
Gəlin bunu maddələrlə yazaq:
Rusiya döyüşlərə yaxşı hazırlaşmamışdı.
Çeçenlər igid döyüşçülər idi.
Çeçen hərbçiləri xalqın böyük dəstəyini aldılar.
Və sonda 1996-cı il avqust ayının 31-də Yeltsin məğlub olmağını boynuna aldı və Çeçenistanla sülh müqaviləsi bağladı. Beləliklə, 1-ci çeçen müharibəsi Rusiyanın tam məğlubiyyətilə nəticələndi.
Rusiya isə öz heyfini Dudayevi öldürməklə çıxa bildi. (AzNews.az)


Jurnalistin filmi aranı qatdı – Prezident ömürlük həbs olundu, əməkdaşlar işdən çıxarıldı

FİFA Qana Futbol Assosiasiyasının (GFA) prezidenti Kvesi Nyantakini futbol fəaliyyətindən ömürlük kənarlaşdırıb.

Bu barədə ali futbol qurumunun rəsmi saytı məlumat yayıb.

Məlumatda bildirilir ki, Nyantaki etika kodeksinin 3 bəndini pozmaqda günahkar sayılıb. Ömürlük diskvalifikasiya ilə yanaşı, o, FIFA-ya 500 min İsveçrə frankı məbləğində cərimə də ödəməlidi.

Qeyd edək ki, Kvesi Nyantaki mayda Qana prezidentinin əmri ilə həbs olunub. Həbs jurnalist Anas Aremeyaunun sənədli filmindən sonra gerçəkləşib. Həmin filmdə futbol məmurlarının biznesmenlərdən necə rüşvət almalarından bəhs olunur. İyunda Qana hökuməti GFA-nın bütün əməkdaşlarını işdən azad edib. (“Qafqazinfo”)


“İzvestiya” qəzetinin reportajı: Türkmənistan aclığın bir addımlığında – FOTOLAR

Türkmənistanın piştaxtaları boşdur, ərzağa görə uzun növbələr yaranıb, kolbasa almaq üçün əyalətdən Aşxabada gedirlər. Bu mənzərə keçmiş SSRİ-də yaşanan mənzərə deyil. Müasir Türkmənistan belə şəraitdə yaşayır.

Rusiya mediasına istinadən xəbər verilir ki, “İzvestiya” qəzeti bu ölkənin üzləşdiyi böhranla bağlı geniş reportaj hazırlayıb.

Türkmənistan təbii qaz ehtiyatlarına görə dünyada 4-cü yerdə qərarlaşıb. Ancaq buna baxmayaraq bu ölkə aclığın bir addımlığındadır.

Situasiya elə pik həddə çatıb ki, işsizlik və pulsuzluq ölkəni ağuşuna alıb. Əhali yaxşı həyat sürmək arzusu ilə kütləvi şəkildə ölkəni tərk edirlər.

Türkmənistan dünyada ən qapalı ölkələrdən biridir. Senzuraya görə bu ölkəni Şimali Koreya ilə eyniləşdirirlər. Hələ 3-4 il bundan öncə əhali belə problemlə üz-üzə qalmamışdı. Dövlət hər bir ailə üzvünə pulsuz benzin, elektrik enerjisi, qaz, su və duz verirdi.

Bu ilin payızından isə hər şey tərsə doğru dəyişməyə başladı. Sentyabr ayında ölkə başçısı Qurbanqulu Berdıməhəmmədov pulsuz kommunal xidmətlərini ləğv etdi. Milli valyuta dəyərini itirməyə başladı. 2018-ci ilin əvvəllərində 1 dollar 9-10 manat idisə, indi bu göstərici 18-19-a qalxıb.

Ən böyük çətinlik gündəlik ərzaq məhsullarının tapılmamasıdır. Hazırda dövlət mağazalarında demək olar ki, heç nə satılmır. İnsanlar səhər erkən oyanaraq un və çörək almaq üçün növbələrdə dayanırlar.

Yerli əhali bildirir ki, ölkənin bu vəziyyətə düşməsi böyük layihələrin reallaşmasındadır. 2016-cı ildə Aşxabadda 2.3 milyard dəyərində aeroport istifadəyə verilib. 2017-ci ildə keçirilən Asiya oyunları büdcədən 5 milyard dollar yeyib. Bu ilin mayında isə Türkmənbaşı (keçmiş Krasnovodsk) şəhərində 1.5 milyard dollara dəniz limanı tikilib. (AzNews.az)

image description
image description
image description

Binəqədidə yoxlamalar başladı – Xaləddin İsgəndərovun başı dərddə

Binəqədi rayonunda ciddi yoxlamalar başlayıb.
Bakı Şəhər İcra Hakimiyyəti başçısını əvəz edən Eldar Əzizovun göstərişi ilə başladılan yoxlamalarda əsasən qanunsuz tikililər araşdırılır.
Məlum olub ki, Binəqədi ərazisində saysız-hesabsız qanunsuz tikililər var. Tikinti aparılması qadağan olunmuş ərazilərdə Binəqədi rayon İcra Hakimiyyətinin icazəsi ilə evlər, iaşə obyektləri inşa edilib. Bunların çoxu Neft Şirkətinin ərazisi, yaşıllıq zonalarda aparılıb.
Araşdırma qrupu bu tikililərin siyahısını hazırlayır, saxta sənədlərin verilməsində İcra Hakimiyyəti ilə yanaşı başqa hansı qurumların iştirak etdiyini araşdırır. Araşdırma aparıldığı üçün rayon ərazisində demək olar ki, bütün tikinti və sənədləşmə işləri dayandırılıb.
Məlum olduğu kimi, bu tikililərin böyük hissəsi 2012-ci ildən rayona rəhbərlik etmiş Xaləddin İsgəndərovun vaxtında aparılıb. Buna görə də yoxlamalar yekunlaşandan sonra sabiq başçının aidiyyəti qurumlar tərəfindən sorğu-suala çəkiləcəyi şübhə doğurmur. (Bakupost)

Qarabağ veteranları və əlillərinin sayı açıqlandı

Azərbaycan Respublikasının ərazi bütövlüyü uğrunda aparılan döyüş əməliyyatlarında iştirak etdiyinə görə müharibə veteranı adı almış və əlil olmuş şəxslərin statistikası açıqlanıb.
Bu barədə Əmək və Əhalinin Sosial Müdafiəsi Nazirliyinin (ƏƏSMN) İctimaiyyətlə əlaqələr şöbəsinin müdiri Fazil Talıbov Modern.az-ın sorğusuna cavab olaraq bildirib.
Şöbə müdiri qeyd edib ki, 1 iyul 2018-ci il tarixə Əmək və Əhalinin Sosial Müdafiəsi Nazirliyi Yanında Dövlət Sosial Müdafiə Fondunun rayon şöbələrindən müavinət alan, əmək pensiyası almaq hüququ olmayan Azərbaycan Respublikasının ərazi bütövlüyü uğrunda aparılan döyüş əməliyyatlarında iştirak etdiyinə görə müharibə veteranı adı almış şəxslərin sayı 48 978 nəfərdir:
“Nazirlik yanında Dövlət Sosial Müdafiə Fondunun rayon şöbələrindən Prezident təqaüdünü alan Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxslərin sayı 18 116 nəfərdir”.

Azərbaycanlı müğənni “O Səs Türkiyə”də – VİDEO

Azərbaycanlı müğənni Azər Həsənov “O Səs Türkiyə”də səsi ilə münsifləri heyran edib.

A.Həsənov Türkiyənin “TV8” telekanalında yayımlanan “O Səs Türkiyə” mahnı müsabiqəsində iştirak edib. Bu yaxınlarda Türkiyəyə köçən Azər Həsənov Polad Bülbüloğlunun müəllifi olduğu “Gəl, ey səhər” mahnısını oxuyub.

O, ifası ilə Murad Boz və Beyazıt Öztürkü özünə tərəf döndürə bilib. İki münsif arasında qalan Azər sonda Bozu seçib. (Publika.az)


Zəng edin, görüşün, müzakirə edin və 15 gündən sonra saytınıza bütün dünya baxsın...
© 2018 ASSA – DİZAYN | Design Theme by: D5 Creation | Powered by: WordPress
Scroll Up