WordPress və Opencart proqramlarında yığılan saytlar:

sep

Hər şey telefon zəngindən sonra başlayır... Bizi Facebook-da arayın...

Tel: +994 50 220 82 84

Read more...

Bir içim su, bir mesaj və saytınız hazır... info@assanews.com

Boş vaxtınızda YouTube kanalımıza da baxın...

Read more...
sep

<<< Show Posts >>>

İlham Əliyev Təzəpir məscidinin ətrafında görülən işlərlə tanış oldu

Azərbaycan Respublikasının Prezidenti İlham Əliyev noyabrın 15-də Bakının Yasamal rayonu ərazisində yerləşən Təzəpir məscidinin ətrafındakı ərazidə yol-nəqliyyat infrastrukturunun yaxşılaşdırılması və abadlıq-quruculuq işləri çərçivəsində həyata keçirilən tədbirlərin icra vəziyyəti ilə tanış olub.

Dövlətimizin başçısına görülən işlər barədə məlumat verildi.

Prezident İlham Əliyevin 2016-cı ilin avqustunda imzaladığı müvafiq sərəncamlarla ayrılmış vəsaitlər hesabına Bakı şəhərinin Yasamal rayonunda yerləşən Füzuli meydanı ətrafındakı ərazidə yeni yolların çəkilməsi, yaşıllaşdırma və abadlıq işlərinin görülməsi, habelə Təzəpir məscidinin ətrafındakı ərazinin abadlaşdırılması, buranın yol-nəqliyyat infrastrukturunun təkmilləşdirilməsi və ziyarətə gələnlərə avtomobillərini saxlamaları üçün imkan yaratmaq məqsədilə Azərbaycan Avtomobil Yolları Dövlət Agentliyi və Yasamal Rayon İcra Hakimiyyəti tərəfindən həmin ərazidə irihəcmli layihələrin icrasına başlanılıb.

İlkin mərhələdə Statistika dairəsi-Nərimanov heykəli-Füzuli meydanını əhatə edən 26 hektar ərazidə tıxacların aradan qaldırılması və yol-nəqliyyat infrastrukturunun təkmilləşdirilməsi istiqamətində mühüm işlər görülüb. O cümlədən Füzuli meydanını Nərimanov prospekti ilə birləşdirən yeni prospekt salınıb, yeni yol qovşaqları tikilib və mövcud küçələr genişləndirilib.

Növbəti mərhələdə isə Təzəpir məscidinin qarşısında xüsusi bağın salınması, Füzuli küçəsi boyunca Mərkəzi Parkın Nəriman Nərimanov prospektinədək davam etdirilməsi, əhali üçün istirahət-əyləncə guşələrinin yaradılması nəzərdə tutulur. Bununla da Bakı şəhərində yaşıllıq zonalarının artırılması və şəhərin ekoloji vəziyyətinin daha da yaxşılaşdırılması istiqamətində növbəti mühüm addım atılmış olacaq.

Son illərdə Prezident İlham Əliyevin rəhbərliyi ilə paytaxtımızda həyata keçirilən abadlıq-quruculuq işləri, şəhər sakinlərinin və ölkəmizə gələn turistlərin istirahəti üçün ən müasir parkların və yeni-yeni yaşıllıq sahələrinin salınması, paytaxtın qədim tarixi memarlıq nümunələrinin bərpası və yeni, müasir binaların tikilib istifadəyə verilməsi nəticəsində Bakı dünyanın ən gözəl şəhərlərindən birinə çevrilib. Bu istiqamətdə aparılan işlərin miqyası getdikcə daha da genişlənir. Paytaxtımızda yeni çoxmərtəbəli müasir binaların və digər sosial obyektlərin inşası ilə yanaşı, şəhərin inkişaf tempinə uyğun gəlməyən, paytaxtımızın müasirlik ansamblını pozan tikililərin sökülməsi ilə bağlı da mühüm layihələr icra edilib. Həyata keçirilən bu cür layihələr arasında keçmişdə “Sovetski” adlanan məhəllənin sökülməsi böyük əhəmiyyəti ilə seçilir. Bu məhəllənin sökülməsi Bakının daha da müasirləşdirilməsi istiqamətində görülən işlərin davamı olmaqla, şəhərin Baş Planının icrasının təmin olunmasına, habelə paytaxtda yol-nəqliyyat infrastrukturunun yaxşılaşdırılmasına da böyük töhfə verdi. Bu ərazidə salınan yeni yollar Bakıda nəqliyyatın rahat və təhlükəsiz hərəkətinin təmin edilməsində, şəhərdə tıxacların azaldılmasında mühüm rol oynadı. Bu layihənin icrası həm də paytaxt sakinlərinin və Bakıya gələn çoxsaylı turistlərin mədəni istirahəti üçün müvafiq şəraitin yaradılması və şəhərin ekoloji durumunun yaxşılaşdırılması istiqamətində həyata keçirilən tədbirlərin də davamlı olduğunu bir daha nümayiş etdirir.

Aparılan işlərin gedişi ilə tanış olan dövlətimizin başçısı müvafiq tapşırıq və tövsiyələrini verdi.


Adil Əliyevdən 30 min rüşvəti hansı icra başçısı istəyib?

“Vəzifə anlayışı hər kəs üçün fərqlidir. Vəzifəyə oturan insan artıq göylərlə əlləşir”.

Bu sözləri musavat.com-un canlı yayımına qatılan deputat Adil Əliyev deyib.

Onun sözlərinə görə, vicdanlı və öz işinin öhdəsindən layiqincə gələn məmurlar var: “Hansılar ki, kişi kimi bu dövlətə xidmət edirlər. Cənab prezident nə etməlidir? Bu məmurları vəzifəyə təyin edib. İcra başçısı var ki, mənim özümdən bir qapının açılması üçün 30 min manat pul istəyir. İnsanlarımız bu gün müxtəlif problemlərlə müraciət edirlər. Dostumuz, sinif yoldaşımız, əsgərlik yoldaşımız, qohumumuz var. Çevrəmiz genişdir. Bu və ya digər problem üçün bizə müraciət edirlər. Amma bir icra başçısı məndən, millət vəkilindən bir qapının açılması üçün 30 min manat istəyirsə, gör sadə vətəndaşdan nə istəyir?”

A.Əliyev sözügedən icra başçısının adını çəkməsə də, onun cəzalandırılması üçün müvafiq qurumlara müraciət etdiyini dedi. Müsahibimiz millət vəkili olaraq məmura müraciət etməməyə çalışdığını dedi: “Qoy mənim dostum məndən incisin. Amma mən məmurlara müraciət etməməyə çalışıram. Vicdanlı məmurlar da çoxdur, aralarında. Millət vəkillərinin sorğusuna da cavab verirlər. Vətəndaşların problemlərinə də həssaslıqla yanaşırlar. Amma arada olan bu insanlar məmur adına da ləkə gətirir”.

Deputat söhbət zamanı zaman-zaman mətbuatda barəsində yayılan söhbətlərə də aydınlıq gətirdi. Xüsusən də Çexiyada özünə mülk alması iddialarından danışan A.Əliyev aşağıdakıları vurğuladı: “Bəzən böyük maliyyə maxinasiyalarını, dövlətin malına göz dikənləri bir kənara qoyub deyirlər ki, filankəs özünə ev alıb xaricdə. Bu gün maşın alverçisi də ev alır, ev alverçisi də maşın alır. Mənim haqqımda da deyirdilər ki, Çexiyada ev alıb. Adil Əliyev nə vaxt dövlətin cibinə girdi, nə vaxt büdcəni taladı? Çexiyada ikiotaqlı ev almaq Sulutəpədən ucuzdur. Bu gün ev alqı-satqısı ilə məşğul olan istənilən adam özünə nəinki Çexiyada, Londonda da ev ala bilər. Mən bu gün adamlar tanıyıram ki, ev alveri, maşın alveri ilə məşğul olurlar, heç bir savadları da yoxdur, amma millət vəkillərindən daha yaxşı imkanlara malikdir. Kim deyir ki, özünə ev tikib satmaq biznesdir? Mən özümə ev tikib satıram. Bu, nə vaxtdan biznes olub? Burda bahalaşıb, gedib o biri tərəfdə almışam. Sonra o tərəfdə də ev bahalaşıb, o biri tərəfdə almışam. Mən nə vaxt şirkət qursam, özümə işçilər tutsam, onlara məvacib versəm, onda deyərlər ki, mən biznes qurmuşam”.


Poroşenko böyük qardaşını öldürüb – Ukrayna prezidenti qətldə ittiham olundu

Rusiyanın “Zvezda” telekanalında yayımlanan “Açıq efir” proqramında publisist Konstantin Dolqov Ukrayna prezidenti Petr Poroşenkonun Moldovada mütəşəkkil cinayətkarlarla əlaqəsi ehtimalından söz açıb.

Dolqov əminliklə bildirib ki, Poroşenkonun böyük qardaşı Mixailin sirli şəkildə qətlə yetirilməsində əli var.

Publisist apardığı şəxsi istintaqı nəticəsində bəzi sənədlərin nüsxəsini əldə edib. Həmin sənədlərdə deyilir ki, Poroşenko və Petr Madan adlı bir nəfərlə Moldovada çalışan zaman qeyri-qanuni yolla bir sıra müəssisələrin istiqrazlarını ələ keçirib. Həmin mütəşəkkil cinayətkar qrupa qarşı 4 istintaq işi açılıb.

Həmin vaxt Moldovada 50 min vətəndaş bu qrupun “fəaliyyəti” nəticəsində zərər görüb.

Dolqov hesab edir ki, Poroşenkonun böyük qardaşı Mixail o qrupun üzvü olub. Ancaq o, 1997-ci ildə sirli şəkildə ölüb. Rumıniya daxili işlər nazirliyindən alınan hesabata görə, Ukrayna liderinin qardaşı Kiprdə çimən zaman batıb.

Deyilənə görə, guya qardaşlar arasında mübahisə yaranıb və onlar əldə etdikləri qazancları bölə bilməyiblər. Bu informasiyanı Moldova hüquq mühafizə orqanları yayıb.

Publisist Dolqov Petr Poroşenkonun Moldovadakı biznes fəaliyyətini araşdıran ilk şəxs deyil. Belə araşdırmanı Moldovanın “Doğma partiya” müxalif partiyasının lideri Renato Usatıy və ukraynalı jurnalist Aleksandr Dubinski aparıb. Onların verdikləri informasiyaya görə Poroşenko haqda cinayət işinə yüksək vəzifəyə keçməsindən sonra xitam verilib.

Rambler nəşri yazır ki, bütün bunlar müəllifin öz düşüncələridir və redaksiyanın fikri ilə üst-üstə düşməyə bilər.

AzNews.az


Prezident Abel Məhərrəmovu vəzifəsindən azad etdi – SƏRƏNCAM VERİLDİ

Prezident İlham Əliyev A.M.Məhərrəmovun Bakı Dövlət Universitetinin rektoru vəzifəsindən azad edilməsi haqqında Sərəncam imzalayıb.

AZƏRTAC-a istinadən verilən məlumata görə, sənəddə bildirilir:

“Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Abel Məmmədəli oğlu Məhərrəmov Bakı Dövlət Universitetinin rektoru vəzifəsindən azad edilsin”.


Elmar Məmmədyarov kimi bir kadrı ləkələmək istəyi sadəcə riyakarlıqdır

 

Elə yazını da sualla başlamaq istəyirəm…

Görəsən, xarici işlər naziri Elmar Məmmədyarov cənabları İstanbulda Azərbaycan, Türkiyə və İran xarici işlər nazirlərinin görüşündə ingiliscə danışsaydı, media və sosial şəbəkələr indi nəyi müzakirə edərdi?

Hərçənd, beynəlxalq tədbir idi və bunu maneəsiz edə bilərdi, kimsənin də onu qınamaq şansı qalmazdı. Amma o özünü çətinliyə salmaq, hədəf halına gəlmək bahasına olsa belə, ana dilində danışmaq istəyini ortaya qoyub.

Bəri başdan deyim ki, mən bir vətəndaş olaraq, hər bir azərbaycanlının ilk növbədə öz ana dilini bilməsinin ən qatı tərəfdarlarındanam. Amma və lakin…, vəzifəsindən, mövqeyindən, ictimai və siyasi statusundan asılı olmayaraq, kimsə gözümüzün önündə bütün bacarıq və enerjisini dövlət və dövlətçilik üçün xərcləyirsə, heç bir intriqa və qruplaşmalara meyl göstərmirsə, təkəbbür və eqoizmdən uzaqdırsa, şəxsən mən o fərdin şəxsiyyətini və peşəkarlığını qiymətləndirərkən “Azərbaycan dilində danışmaq meyarı”nı ilk sıraya qoymağı kökündən ədalətsiz hesab edirəm. İnsanı xarakterinə, bütün keyfiyyətlərinin cəminə görə qiymətləndirmək lazımdır.

Məsələyə hansı kontekstdən yanaşmaq daha çox insanların daxili aləmi, mənəviyyatı, dünyagörüşü ilə bağlı olan məsələdir. Kimsə işi, peşəsi ilə məşğuldur, kimi də çamur atmaqla, görülən işə qara yaxmaqla…

Nə üçün heç kim XİN başçılarının İstanbul görüşünün yekun sənədində yer alan müddəalara, həmin sənədə Ermənistan tərəfinin aqressiv reaksiyasına fikir vermədi? Naziri qınayanlar məsələnin mahiyyətindən yayınıb, daha çox şou göstərməyə, bəlkə də sifariş yerinə yetirməyə başladılar. “Ekspert”indən tutmuş adi sosial şəbəkə istifadəçisinə qədər bir çoxu nazirin nitqində qüsur axtarmağa çalışdı.

Maraqlı mənzərə və sual yaranır. Görəsən, Prezidentin məqsədyönlü xarici siyasətinə, onun əsas icraçılarından olan Xarici İşlər Nazirliyinə, XİN rəhbərliyinin fəaliyyətinə kölgə salanların, düşmənlərimizin dəyirmanına su tökənlərin məqsədi nədir?

Medianı, sosial şəbəkələri analiz etməklə maraqlı trendləri, tendensiyaları üzə çıxarmaq xeyli asanlaşıb. Qısa bir müşahidə və analizlə maraqlı nəticələrə gəlmək mümkündür. İndi bir çoxları müxtəlif mövzulara, aidiyyatı oldu olmadı, münasibət bildirməyə, “ekspertlik” etməyə çox həvəsli görünür, yeri gəldi gəlmədi fikir bildirir. Bu hər kəsin haqqıdır. Amma, “Azərbaycan dilində yazıldığı” hesab olunan o statusları araşdırsanız, ən azı 90 faizinin savadsız cümlələrlə, üslub və imla səhvləri ilə müşayiət olunduğunu görərsiniz. Belələrinin saatlarla, günlərlə yuxusuz qalan diplomatlarımızın beynəlxalq əhəmiyyətli bir sənəddə ölkəmizin maraqlarını ehtiva edən bir sözün, lazımi bir müddəanın yer alması üçün nə qədər əziyyət çəkdiklərini, əsəb keçirdiklərini təsəvvür etmələri belə mümkün deyil. Ona görə də həmin şəxslər özləri də bilmədən istifadə olunurlar, asanlıqla hansısa çirkin kampaniyanın alətinə çevrilirlər.

O insanlara bir neçə sualım var…

Yerləşdiyi mürəkkəb geopolitik mövqeyə və çətin beynəlxalq situasiyaya baxmayaraq, birbaşa Prezident İlham Əliyevin başçılığı altında uğurlu xarici siyasət missiyasının həyata keçirilməsində, ATƏT, Avropa Şurası, Avropa İttifaqı, İslam Əməkdaşlıq Təşkilatı kimi beynəlxalq qurumlar tərəfindən Azərbaycanın ərazi bütövlüyü və suverenliyi ilə bağlı sənəd və qətnamələrin qəbulunda, Qərb dövlətləri ilə yanaşı, Ermənistanla bir hərbi ittifaqda yer alan Rusiya, Belarus, Qazaxıstan kimi ölkələrlə münasibətlərin strateji tərəfdaşlıq səviyyəsinə çatdırılmasında XİN-in səmərəli fəaliyyətini görməzdən gəlmək ədalətsizlik deyilmi?

Elmar Məmmədyarov ziyalı bir ailədə böyümüş, əli “yağlı yerlərə” çatandan sonra belə gözütoxluq etməyi bacaran, adı indiyədək kütləvi korrupsiya hallarına qarışmayan az saylı yüksək çinli məmurlardan biridir.

Bu nazir heç zaman daxili publikaya işləməyib, məqsədli şəkildə piarını qurmayıb, jurnalist, sayt “saxlamaq” üçün vəsait xərcləməyib.

İxtisasca diplomatdır,  XİN sisteminə sovet dövründə gəlib və keçmiş SSRİ-nin Diplomatiya Akademiyasında aspirantura bitirmiş barmaqla sayıla biləcək azərbaycanlılardandır.

Hələ keçmiş nazir Vilayət Quliyevin vaxtında, universiteti bitirdikdən sonra XİN-də praktika keçmiş biri kimi deyə bilərəm ki, Dağlıq Qarabağ münaqişəsinin ən ağır vaxtlarında, 1993-cü ildə Azərbaycanın BMT yanındakı daimi nümayəndəliyində önəmli postda çalışan diplomat kimi BMT Təhlükəsizlik Şurasında Azərbaycan lehinə qəbul edilən məşhur qətnamələrin mətninin hazırlanmasında Elmar Məmmədyarov vacib rol oynayıb.

Yəqin, hər kəs o, nazir təyin olunduqdan sonra ilk dəfə XİN sisteminə test üsulu ilə kadrların işə qəbul olunduğunu xatırlayır. Azərbaycanın zənginliyi təkcə onun yeraltı və yerüstü nemətləri ilə ölçülmür. İndi inkişaf və rəqabət üçün ən vacib element insan resursu, kadr potensialıdır. 30 ildən artıqdır diplomatiya sahəsində aktiv fəaliyyət göstərən, dünya miqyaslı siyasətçilər və diplomatlar arasında nüfuz sahibi olan, dövlət başçısının böyük etimad göstərdiyi, təvazökarlığı, peşəkarlığı və sadəliyi ilə örnək sayıla biləcək bir kadrı ləkələmək istəyi sadəcə riyakarlıqdır.

Elmar Məmmədyarov ziyalı ailədə böyüyüb. Atası kimya sahəsində sayılıb-seçilən alimlərimizdən biridir. Anası da alimdir. Elmi mühitdə, köklü, ziyalı bir ailədə böyümüş şəxsin peşəkar və təvazökar olması qədər təbii nə ola bilər.  

Ona görə də, nə edirsiniz, nə yazırsınız və necə qiymətləndirirsiniz, bilmirəm, amma heç zaman ədalət hissinizi itirməyin, dostlar! 

Səməd Rəhimli


Moskvadan Kiyevə son xəbərdarlıq – “3 milyardı qaytarın”

Rusiya Ukraynanı apelyasiya şikayəti üzrə 3 milyard dolları geri qaytarmadığına görə Böyük Britaniyanın Ali məhkəməsinə verib. Rəsmi Kiyev isə hesab edir ki, o pulu əvvəlki prezident Viktor Yanukoviç Ukraynanın Avropa Birliyindən imtinasına cavab olaraq təzyiq altında alıb.

Rusiya mediasına istinadən xəbər verilir ki, apelyasiya şikayətinə məhkəmə 2019-cu ilin iyunundan sonra baxacaq.

Qeyd edək ki, Rusiya Ukrayna istiqrazlarını 2013-cü ilin dekabrında Milli Rifah Fondunun vəsaiti hesabına satın alıb. Həmin vaxt isə Ukraynaya Viktor Yanukoviç rəhbərlik edib. Onun gedişindən sonra rəsmi Moskvaya müraciət edilib ki, həmin istiqrazlar özəl kreditorlarların öhdəlikləri ilə əvəz edilsin. Ancaq Moskva tələb edib ki, dövlət borcu ödənilməlidir.

Hazırkı prezident Petr Poroşenko isə deyib ki, Ukrayna borcunu ödəməyəcək, çünki Yanokoviç o pulu özü ilə xaricə aparıb. (AzNews.az)


Ayna Cəbrayılova 450 min dollar gəlinlik, 25 “Limuzin”lə ərə getdi

Çeçen milyoneri Umar Cəbrayılovun qardaşı qızı, Moskva Dövlət Universitetinin tələbəsi, 22 yaşlı Ayna Cəbrayılova Moskvada Louis Vuitton və Versace brendlərinin malları ilə doldurulan 300 min dollar dəyərində olan 32 çamadan cehizlə ərə gedib.

Rusiya mediasına istinadən xəbər verilir ki, Ayna neft biznesi ilə məşğul olan 26 yaşlı çeçen Haydar Şəripovla ailə həyatı qurub.

Bu haqda informasiyanı Daily Mail nəşri yayıb.

Gəlini aparmaq üçün Moskva yaxınlığındakı elit qəsəbəyə 25 limuzin gəlib. Aynanın gəlinlik paltarını Livan dizayneri Zuxair Murad tikib. Daş-qaşlar isə Britaniyanın Graff Diamonds zərgərlik evindən alınıb.

Toyun ikinci günü Ayna Livanın Elie Saab brendinin donunu geyinib. Deyilənə görə, hər iki gəlinlik donunun qiyməti 450 min dollardan bahadır.

Moskvanın “Safisa” restoranında keçirilən toya 600 nəfərdən çox qonaq dəvət edilib. Onları çeçen artistləri əyləndirib.

Qeyd edək ki, 60 yaşlı Umar Cəbrayılov rusiyalı iş adamı, mesenat və dövlət xadimidir. İddiaya görə, o super model Naomi Kempbell və kino ulduz Şeron Stounla eşq yaşayıb. (AzNews.az)

 

image description
image description
image description

Dünya çempionatı: Azərbaycan samboçusu gümüş medal qazandı

Azərbaycan samboçusu Rumıniyada keçirilən dünya çempionatında gümüş medal qazanıb.

Rumıniya mətbuatına istinadən xəbər verilir ki, yığmamızın təmsilçisi Emil Həsənov (68 kq) turnirdə ikinci yeri tutub.

O, yalnız finalda Qazaxıstandan olan rəqibi Nurbool Serikova məğlub olub.

Bu çəki dərəcəsində Rusiya idmançısı Nikita Kleçkov və Belarusu təmsil edən Aleksandr Kokşa bürünc medal qazanıblar. (Report)


NATO-ya borcunuzu ödəyin – Tramp Makrona qəzəbləndi

ABŞ prezidenti Donald Tramp Fransa prezidenti Emmanuel Makronun “ABŞ, Çin və Rusiyadan qorunmaq üçün Avropanın öz ordusunu qurması lazımdır” sözlərinə sərt təpki göstərib.

Xatırladaq ki, Makron bununla bağlı fikirlərini noyabrın 6-da “Europe 1” radiostansiyasına ifadə edib.

Fransa prezidentinin sözlərinə görə, əgər ABŞ həqiqətən Orta və Kiçik Mənzilli Raketlərin (OKMR) ləğvi haqqında sazişi pozsa, Avropa əsas qurbana çevriləcək. Bu səbəbdən də “qoca qitə” təhlükəsizlik məsələsində müstəqil davranmağa, yəni öz ordusunu yaratmağa məcburdur.

Donald Tramp fransalı həmkarının sözlərini olduqca təhqiramiz hesab etdiyini bildirib.

Birinci dünya müharibəsini bitirən sülh müqaviləsinin 100 illiyi münasibətilə Fransaya gedən ABŞ prezidenti öz tvitter hesabında qonaq olduğu ölkənin dövlət başçısını hədəfə alıb.

“Bəlkə Avropa ABŞ-ın böyük ölçüdə maliyyə dəstəyi verdiyi NATO-ya borcunu ödəsin”, – deyə Donald Tramp qəzəbini ifadə edib.

Qeyd olunur ki, Tramp getdiyi hər yerdə Şimali Atlantika Alyansı üzrə müttəfiqlərinin öz ÜDM-lərinin 2%-ni NATO büdcəsinə ayırmaları gərəkdiyini söyləyir. (Musavat.com)


Azərbaycanlılar “DQR”-in “bayrağını”ı cırdı, dava düşdü – Moskvada

Buna ermənilərin təxribata əl atması səbəb olub.

Belə ki, həmyerlimiz Tural Rəhimvun döyüşü zamanı qarşılaşmanı izləyən ermənilər Qondarma Dağlıq Qarabağ Respublikasının “bayrağı”nı açmaq istəyiblər. Bu zaman məsələyə müdaxilə edən azərbaycanlılar “bayrağı” ermənilərin əlindən alaraq cırıb.

Daha sonra məsələyə müdaxilə edən Rusiyanın Xüsusi Təyinatlı Dəstəsinin üzvləri həmyerlilərimizə hücum edib. Döyülənlərin və saxlanılanların olduğu bildirilir. (İnterpress.az)


Zəng edin, görüşün, müzakirə edin və 15 gündən sonra saytınıza bütün dünya baxsın...
© 2018 ASSA – DİZAYN | Design Theme by: D5 Creation | Powered by: WordPress
Scroll Up