WordPress və Opencart proqramlarında yığılan saytlar:

sep

Hər şey telefon zəngindən sonra başlayır... Bizi Facebook-da arayın...

Tel: +994 50 220 82 84

Read more...

Bir içim su, bir mesaj və saytınız hazır... info@assanews.com

Boş vaxtınızda YouTube kanalımıza da baxın...

Read more...
sep

<<< Show Posts >>>

Cəmiyyətin tərəqqisində müəllimlərin böyük əməyi və rolu var – Misir Mərdanov

“Cəmiyyətin tərəqqisində müəllimlərin böyük əməyi və rolu var”.

Bunu Riyaziyyat və Mexanika İnstitutunun direktoru, keçmiş təhsil naziri Misir Mərdanov deyib.

Azərbaycan Xalq Cümhuriyyətinə həsr olunmuş mühazirə ilə çıxış edən M. Mərdanov bildirib ki, cümhuriyyətin qurucuları təhsil sahəsinin tamamən yenilənməsi, xalqın maariflənməsi və milli kadrların hazırlanması məsələlərinə xüsusi əhəmiyyət verib: “Azərbaycan dilinin dövlət dili elan edilməsi, məktəblərin milliləşdirilməsi həyata keçirilən ilk və ən mühüm tədbirlərdən olub”. (Report)


Fransa Prezidenti Azərbaycana gəlir

Fransa Prezidenti Emanuel Makronun gələn həftə Azərbaycana səfəri nəzərdə tutulub.

“La Tribune” nəşri xəbər verir ki, səfər çərçivəsində iki ölkə arasında əməkdaşlıq məsələləri, o cümlədən Azərbaycana gözətçi katerlərin tədarükü barədə Fransanın “Naval Group” şirkəti ilə gözlənilən müqaviləyə dair danışıqlar aparılacaq. Həmçinin Dağlıq Qarabağ münaqişəsinin həlli məsələləri də müzakirə olunacaq.

Prezident Emanuel Makronun oktyabrın 11-12-də Yerevanda keçiriləcək Frankofoniya zirvə görüşündə iştirak etmək üçün Ermənistana gedəcəyi də gözlənilir.(“Report”)


Oqtay Şirəliyevin qızı ermənini özünə köməkçi təyin etdi

Xəbər verdiyimiz kimi, oktyabr ayının 1-də Moskva vilayətinin qubernatoru Andrey Vorobyov Azərbaycan səhiyyə naziri Oqtay Şirəliyevin qızı Nərmin Şirəliyevanı vilayətin mədəniyyət naziri təyin edib.
Nərmin Şirəliyeva bu posta təyinat aldıqdan sonra ermənini özünə köməkçi götürüb. Köməkçisinin adı isə Karen Spartakoviçdir.
Qeyd edək ki, Nərmin Şirəliyevanın məşhur erməni aktyor Armen Ciqarxanyanla yaxın dostluq əlaqələri var. Bu münasibətlərə Armen Ciqarxanyan belə fikir bildirib:
“Mən erməniyəm, ancaq Nərminlə möcüzəvi dostluq münasibətlərim var”.
Bundan başqa N.Şirəliyevanın digər erməni məşhurlarla da yaxınlığının olduğu deyilir.
Xatırladaq ki, Nərmin Şirəliyeva 2013-cü ildən Moskva vilayəti qubernatorunun Administrasiyasında mədəniyyət müşaviri vəzifəsində işləyib. Nərmin Şirəliyeva Bakıda anadan olub, Moskva Dövlət Beynəlxalq Əlaqələr İnstitutunun məzunudur. (unikal.org)

Dəhşətli qəzada 11 nəfər öldü

Rusiyanın Tver vilayətində dəhşətli yol qəzası baş verib.
TASS-a istinadən xəbər verilir ki, Kalinin rayonunda marşrut avtobusu ilə taksi toqquşub, nəticədə 11 nəfər dünyasını dəyişib.
Hadisə ilə bağlı tədqiqat aparılır. (Qaynarinfo)

Leyla Abdullayeva XİN-ə mətbuat katibi təyin edildi

Xarici İşlər Nazirliyinin (XİN) mətbuat xidmətinin rəhbəri vəzifəsinə təyinat olub.
Xarici İşlər Nazirliyinin mətbuat xidmətinə istinadən xəbər verilir ki, bu vəzifəyə Leyla Yaşar qızı Abdullayeva təyin olunub.
L.Abdullayeva 2002-ci ildən Xarici İşlər Naziriyində çalışır. O, XİN-in mərkəzi aparatında müxtəlif idarələrdə, Azərbaycan Respublikasının NATO yanında Nümayəndəliyində və ölkəmizin Belçika Krallığındakı Səfirliyi və Avropa İttifaqı yanında Nümayəndəliyində diplomatik vəzifələr daşıyıb.

“Qarabağ” Bakıda “Arsenal”la qarşılaşacaq – bu gün

Bu gün “Qarabağ” komandası avrokuboklarda növbəti oyununa çıxacaq.

Ağdam təmsilçisi Avropa Liqasının qrup mərhələsinin II turu çərçivəsində İngiltərə “Arsenal”nı qəbul edəcək.

Bu, “topçular”ın Azərbaycandan olan komanda ilə ilk qarşılaşması olacaq. “Qarabağ” isə bundan əvvəl bu ölkənin “Tottenhem” (0:1, 1:3) və “Çelsi” komandaları ilə üz-üzə gəlib.

Qurban Qurbanovun rəhbərlik etdiyi kollektiv qrup mərhələsinə məğlubiyyətlə başlayıb. Ağdam təmsilçisi Portuqaliyada “Sportinq”ə 2 cavabsız qolla yenilib. “Arsenal” isə evdə Ukraynanın “Vorskla” komandasını 4:2 hesabı ilə üstələyib.

“Qarabağ” bu mövsüm evdə keçirdiyi avrokubok oyunlarında cəmi bir qol buraxıb. Ötən mövsümün son matçında isə “Çelsi”dən 4 top görüb. Londonlular isə ötən mövsüm avrokuboklarda 7 səfər matçında 4 dəfə qalib gəlib, 2 dəfə məğlub olublar.

“Arsenal” keçirdiyi son 7 oyunda qalib gəlib. Bu matçlardan 5-i İngiltərə Premyer Liqasına, 1-i ölkə kubokuna, 1-i isə Avropa Liqasına təsadüf edib. “Topçular” hazırda 15 xalla 5-ci pillədə qərarlaşıb.

“Qarabağ” Avropa Liqasının qrupunda mübarizəyə məğlubiyyətlə başlasa da, Premyer Liqada uduzmayıb. Ağdamlılar 6 oyundan 5-də qalib gəlməklə, 16 xal toplayıblar və “Neftçi” ilə liderliyi bölüşürlər.

“Arsenal” rəhbərliyi 22 ildən sonra bu ilin mayında komandanın baş məşqçisi postunu tərk edən Arsen Vengeri İspaniya “Sevilya”sı ilə 3 dəfə Avropa Liqasının qalibi olan Unai Emeri ilə əvəzləyib. 46 yaşlı mütəxəssisin əsas hədəfi London təmsilçisi ilə avrokubokda titul qazanmaqdır.

2017/18-ci illər mövsümündə ardıcıl 5-ci dəfə Azərbaycan çempionu olan “Qarabağ” bütün hallarda avrokubokların qrup mərhələsində iştirak edib. Lakin heç vaxt qrupdan çıxa bilməyib.

Hər iki komanda oyuna itkilərlə çıxacaq. “Qarabağ”da müdafiəçilər – Rəşad Sadıqovla Donald Gerye və yarımmüdafiəçilər – Dani Kintana ilə Simeon Slavçev zədəlidir. “Arsenal”da isə qapıçı Petr Çex, müdafiəçi Loran Koselni və Konstantinos Mavropanos, habelə, yarımmüdafiəçi Eynsli Meytlend-Naylz da eyni səbəbdən matçı buraxacaq.

Avropa Liqası

Qrup mərhələsi, II tur

20:55. “Qarabağ” (Azərbaycan) – “Arsenal” (İngiltərə)

Baş hakimlər: Davide Massa

Yan xətt hakimləri: Filippo Meli, Alessandro Kostantso

Əlavə köməkçi hakimlər: Daniele Doveri, Mixael Fabri

Dördüncü hakim: Fabiano Preti (hakimlər briqadası Fransadandır)

Hakim-inspektor: Nikolay Levnikov (Rusiya)

UEFA nümayəndəsi: İstvan Huszar (Macarıstan)

Bakı Olimpiya Stadionu


Türkiyədə partlayış: 4 hərbçi şəhid oldu, 5-i yaralandı

Türkiyədən törədilən partlayış nəticəsində 4 hərbçi şəhid olub, 5-i isə yaralanıb.

NTV televiziyasına istinadən xəbər verilir ki, hadisə ölkənin Batman əyalətinin Hasankeyf rayonunda baş verib.

Avtomobil yolunda təhlükəsizliyi təmin edən hərbçilərin olduğu avtomobili ərazidən keçərkən əldəqayırma partlayıcı qurğu partladılıb. (Report)


Azərbaycan şahmatçıları Çin yığmasına uduzdu – 1.5:2.5

Gürcüstanın Batumi şəhərində keçirilən 43-cü Ümumdünya Şahmat Olimpiadası davam edir.

Oktyabrın 3-də keçirilən doqquzuncu turda Azərbaycanın kişilərdən ibarət komandasının rəqibləri çinli idmançılar olub. Azərbaycan-Çin görüşündə Şəhriyar Məmmədyarov – Dinq Liren, Teymur Rəcəbov – Yu Yanqyi, Arkadi Naydiç – Vey Yu və Eltac Səfərli – Bu Syanci cütlükləri qarşılaşıb. Komandamız rəqibinə məğlub olub – 1,5: 2,5.

Aktivində 15 xal olan ABŞ yığması hazırda Olimpiadada vahid liderdir. Onlardan bir xal geri qalan Polşa yığması ikinci yerdə qərarlaşıb. Azərbaycan komandası 13 xalla üçüncüdür.

Qadın şahmatçılarımız isə Ukrayna komandası ilə yarışıb. Azərbaycan – Ukrayna görüşündə Günay Məmmədzadə – Anna Muzıçuk, Xanım Balacayeva – Marina Muzıçuk, Gülnar Məmmədova – Anna Uşenina və Ülviyyə Fətəliyeva – Yuliya Osmak qarşılaşmaları keçirilib. Oyun heç-heçə başa çatıb – 2:2.

Qadın komandaların mübarizəsində ilk iki yerdə Çin və Ukrayna yığmaları qərarlaşıb. Aktivində 14 xal olan Azərbaycan komandası altıncı pillədədir.

Ümumdünya Şahmat Olimpiadası oktyabrın 5-də yekunlaşacaq.


Türk ordusu 13 PKK terrorçusunu məhv etdi

Türkiyənin Zap bölgəsində terrorçulara ağır zərbə endirilib.

Bu barədə Türkiyə Silahlı Qüvvələri məlumat yayıb.

Türk ordusu hücum hazırlığında olan terrorçulara zərbə endirib. Nəticədə 10 terrorçu məhv edilib.

***

Türkiyənin Siirt bölgəsində də PKK terrorçularına qarşı əməliyyat aparılıb.

Bölgədə yerləşən 5 kənd və 4 məhəllədə aparılan əməliyyat nəticəsində 3 PKK terrorçu zərərsizləşdirilib.

Əməliyyat davam etdirilir. (Axar.az)


Fətullah Gülənin evi mühasirəyə alındı

Pensilvaniya polisi FETÖ lideri Fətullah Gülənin evində baş verən bir hadisəni araşdırmağa başlayıb.

Bu barədə ABŞ mediası məlumat yayıb.

Məlumata görə, Gülənin yaşadığı evin girişi polis maşınları ilə əhatəyə alınıb, evin ətrafında helikopterlər dövr edir.

BBC-nin yaydığı digər məlumatda Gülənin qonşularına bayıra çıxmamaq barədə xəbərdarlıq edildiyi bildirilib. Ərazidə silah daşıyan qara paltarlı birinin dolaşdığı qeyd edilib. (Axar.az)


Zəng edin, görüşün, müzakirə edin və 15 gündən sonra saytınıza bütün dünya baxsın...
© 2018 ASSA – DİZAYN | Design Theme by: D5 Creation | Powered by: WordPress
Scroll Up