WordPress və Opencart proqramlarında yığılan saytlar:

sep

Hər şey telefon zəngindən sonra başlayır... Bizi Facebook-da arayın...

Tel: +994 50 220 82 84

Read more...

Bir içim su, bir mesaj və saytınız hazır... info@assanews.com

Boş vaxtınızda YouTube kanalımıza da baxın...

Read more...
sep

<<< Show Posts >>>

Azərbaycanın yeniyetmə cüdoçusu olimpiya çempionu oldu

Azərbaycan millisi Argentinanın paytaxtı Buenos-Ayresdə təşkil olunan Yeniyetmələrin III Yay Olimpiya Oyunlarında ilk qızıl medalını qazanıb.

Olimpiadanın cüdo yarışlarında 66 kiloqram çəki dərəcəsində çıxış edən 15 yaşlı təmsilçimiz Vüqar Talıbov ilk görüşündə yəmənli Əhəd Əl-Saqheeraya qalib gəlib. Tacikistanlı Camşed Sulaimoni və Antonio Tornalanı (Dominikan Respublikası) məğlub edən cüdoçumuz finala yüksəlib. Qızıl medal uğrunda görüşdə rusiyalı Abrek Naquçevə 2 dəqiqə 3 saniyə ərzində ipponla qalib gələn V.Talıbov Olimpiya çempionu olub.

O həm də yeniyetmələr arasında olimpiya çempionu olan ilk cüdoçu kimi tarixə düşüb. Daha əvvəl, 2014-cü il Nankin olimpiadasında Leyla Əliyeva (44 kq) və Natiq Qurbanlı (55 kq) gümüş medal əldə etmişdilər.

Qeyd edək ki, Olimpiadada 206 ölkədən 4 mindən artıq idmançı iştirak edir. Kosovo və Cənubi Sudan ilk dəfədir ki, Oyunlara qatılırlar.

Azərbaycan Yeniyetmələrin III Yay Olimpiya Oyunlarında 17 idmançı ilə təmsil olunur. İdmançılarımız gimnastika, boks, atletika, güləş, cüdo, üzgüçülük, taekvondo və stolüstü tennis idman növlərində mübarizə aparacaqlar.


“Washington Post” qəzetinin müxbiri İstanbulda itkin düşdü

“Washington Post” qəzetinin köşə yazarı, Səudiyyə Ərəbistanı əsilli Cemal Kaşıkçı İstanbulda itkin düşüb.

Jurnalist şəxsi həyatına aid sənədlər əldə etmək məqsədilə oktyabrın 2-də Səudiyyə Ərəbistanı Krallığının İstanbuldakı Baş Konsulluğunun inzibati binasına daxil olub və oradan çıxmayıb. Hadisə ilə əlaqədar Türkiyənin hüquq-mühafizə orqanları dərhal əməliyyata başlayıb.

Belə bir xoşagəlməz hadisənin Türkiyədə baş verdiyinə təəssüfləndiyini deyən Prezident Rəcəb Tayyib Ərdoğan məsələ ilə bağlı açıqlamasında bildirib ki, jurnalistin axtarışı ilə bağlı ölkənin bütün gömrük-keçid məntəqələri nəzarətə götürülüb.


Paşinyanın arvadı təmas xəttinə gəldi və sülhə çağırdı

Bu gün Ermənistanın baş naziri Nikol Paşinyanın arvadı Anna Akopyan bir qrup rusiyalı qadın ictimai xadimlə birlikdə Azərbaycanın işğal altındakı ərazilərinə, qoşunların təmas xəttinə gəlib.

“Azadlıq” radiosunun erməni xidmətinə istinadən xəbər verilir ki, Anna Akopyan bu səfəri özünün “Qadınlar sülh naminə” sülhməramlı təşəbbüsü çərçivəsində təşkil edib. O, təmas xəttində Qarabağ münaqişəsinin tərəflərinə müraciətlə sülhə çağırış edib.

Anna Akopyanın təşəbbüsünə Rusiyadan qadın siyasi-ictimai xadimlər, həkimlər, yazıçılar, digərləri qatılıb. Sülh təşəbbüsü ilə təmas xəttinə gələn qadınları qondarma “dqr”in müdafiə naziri Levon Mnatsakanyan və “prezident” Bako Saakyan da müşayiət ediblər.

Anna Akopyan bildirib ki, bu təşəbbüsü başladanda hansı maneələrlə qarşılaşacağını nəzərə alaraq onun reallaşacağına inanmırdı.

Təmas xəttində rusiyalı qadınlar da nitqlərlə və çağırışlarla çıxış ediblər. Anna Akopyan onları Azərbaycana da səfər etməyə və təmas xəttinin digər tərəfindən sülhə çağırış etməyə səsləyib. (Virtualaz.org)


Nurməhəmmədova şok cəza: çempionluğu əlindən alına bilər – VİDEO

Rusiyalı çempion Həbib Nurməhəmmədov yüngül çəki dərəcəsində UFC çempionu titulundan məhrum edilə bilər.
Bu barədə jurnalistlərə açıqlamasında UFC-nin prezidenti Deyn Uayt deyib.
“Həbib cərimə və ya diskvalifikasiya oluna bilər. Əgər diskvalifikasiya uzunmüddətli olacaqsa, biz onun çempion titulundan məhrum edəcəyik. Əlbəttə ki, sanksiyalar olacaq. Döyüşdən sonra kütlənin üstünə hücum edən oğlan burada bir daha döyüşə bilməz”, – Uayt bəyan edib.
UFC prezidenti həmçinin qeyd edib ki, araşdırmanın sonuna qədər rusiyalı döyüşə görə nəzərdə tutulan iki milyon dollar məbləğində qonorarı almayacaq. İdmançıya həmçinin televiziya yayımından əldə olunan gəlirdən faiz də ödənilməyə bilər.
Qeyd edək ki, Nurməhəmmədov və Makqreqorun komandasının nümayəndələri arasında kütləvi dava Las-Veqasda UFC 229 turnirinin əsas döyüşündən sonra baş verib.
Nurməhəmmədov oktaqondan kənara keçib irlandiyalının nümayəndəsinin söyüşünə cavab olaraq onu döyməyə cəhd edib.
İnsidentdən sonra Nurməhəmmədovun komandasının bir neçə nümayəndəsi polis tərəfindən saxlanılıb. (Oxu.az)


Rusiyalı döyüşçü irlandiyalını Las-Vegas şəhərində məğlub etdi

Oktyabrın 7-da qarışıq döyüş növlərinin (MMA) UFC 229 kateqoriyası üzrə ən güclü idmançılar hesab edilən rusiyalı Həbib Nurməhəmmədov və irlandiyalı Konor Makqreqor arasında döyüş keçirilib.

Əsrin döyüşü adlanan görüş Las-Vegas şəhərində “T-Mobile Arena”da baş tutub.

Peşəkar arenada indiyədək məğlub olmayan rusiyalı döyüşçü bu görüşdə dünya çempionu kəmərini müdafiə edib.

UFC versiyası üzrə dünyanın ən populyar və güclü idmançılarından hesab edilən irlandiyalı Konor Makqreqor isə 24 döyüşün 21-də qalib gəlib. O, ilk dəfə 2015-ci ildə UFC çempionu adını qazanıb.

Gərgin idman mübarizəsi şəraitində keçən qarşılaşma 30 yaşlı qaydasız döyüşçü rusiyalı Həbib Nurməhəmmədovun qələbəsi ilə başa çatıb. Həbib dördüncü raundda hakimlərin yekdil qərarı ilə irlandiyalı Konor Makqreqor üzərində qələbə qazanıb.

Bu, Nurməhəmmədovun karyerası ərzində qazandığı iyirmi yeddi döyüşdə 27-ci qələbəsidir. Həbib 2017-ci ildə amerikalı döyüşçü El Yakvintanı məğlub edərək yüngül çəkidə çempion adı qazanmışdı.

Nurməhəmmədovun bu döyüşdən əldə etdiyi qonorar 2 milyon dollar olub.

Qonorarların məbləğinə ödənişli teleyayımdan gələn faiz daxil deyil.

Rusiyalı idmançının agenti Əli Abdel-Əziz avqustda bəyan etmişdi ki, Nurməhəmmədov Makqrerorla döyüşə görə 10 milyon dollardan çox pul alacaq.


İlham Əliyev Putinə zəng etdi

Oktyabrın 7-də Azərbaycan Respublikasının Prezidenti İlham Əliyev Rusiya Federasiyasının Prezidenti Vladimir Putinə telefonla zəng edib.

Dövlətimizin başçısı Vladimir Putinə ad günü münasibətilə səmimi qəlbdən təbriklərini çatdırıb, ona Rusiya xalqının firavanlığı naminə prezidentlik fəaliyyətində yeni-yeni uğurlar, möhkəm cansağlığı arzulayıb.

Rusiya Federasiyasının Prezidenti Vladimir Putin göstərilən diqqətə və təbrikə görə minnətdarlığını bildirib.

Dövlət başçıları ölkələrimiz arasında strateji tərəfdaşlığa əsaslanan dostluq münasibətlərinin bütün sahələrdə uğurla inkişaf etdiyini vurğulayıb, əməkdaşlığımızın bundan sonra da genişlənəcəyinə və möhkəmlənəcəyinə əminliklərini ifadə ediblər.


İTV-də ciddi vəsait pozuntuları aşkarlandı – Cəmil Quliyev və onun havadarları cəzalandırılacaqmı?

Hesablama Palatasının kollegiyası dövlət büdcəsindən İctimai Televiziya və Radio Yayımları Şirkətinə 2017-ci il və 2018-ci ilin I yarımilində ayrılmış vəsaitlərin proqnozlaşdırılması və icrası vəziyyəti ilə bağlı həyata keçirilmiş auditin nəticələri üzrə hesabatı müzakirə edərək təsdiq edib.

Palataya istinadən verilən xəbərə görə, audit tədbiri İctimai Televiziya və Radio Yayımları Şirkəti üzrə ümumilikdə 17 milyon 229 min manat vəsaiti əhatə edib.

Auditlə işçilərə artıq ezamiyyə xərcinin, elmi dərəcələrə görə artıq əlavə əmək haqqının, istifadə olunmayan məzuniyyət günlərinə və işdə olmadığı günlərə görə əmək haqqının ödənilməsi halları müəyyən edilib. Həmçinin, işçilərə fəxri adlara görə verilmiş aylıq təqaüdlər Əmək və Əhalinin Sosial Müdafiəsi Nazirliyi tərəfindən dövlət büdcəsində bu məqsədlər üçün nəzərdə tutulmuş vəsait hesabına ödənilməli olduğu halda, İctimai Yayımçının vəsaiti hesabına ödənilib.

Şirkət profilaktika işlərinin yerinə yetirilməsi ilə əlaqədar bağlanılmış müqavilə şərtlərinə əməl edilməyərək müqavilədə nəzərdə tutulmayan müxtəlif adda mal-materialların alışına yol verilib.

İctimai Yayım xidmətinin digər mənbələr hesabına, sponsor yardımı, fiziki və hüquqi şəxslərin ianələri, reklamdan əldə olunan gəlirlər, audiovizual proqramların satışından daxilolmalar, öz məhsulu olan serialların, tamaşaların, bədii, sənədli, cizgi və digər filmlərin satışından əldə edilən vəsaitlər, konsertlər və şouların təşkilindən daxilolmalar hesabına maliyyələşdirilməsi məqsədilə görülən tədbirlər yetərli olmayıb.

Maliyyə hesabatları “Dövlət büdcəsindən maliyyələşən təşkilatlarda büdcə təşkilatları üçün Milli Mühasibat Uçotu Standartlarına uyğun olaraq mühasibat uçotunun təşkili və aparılmasına dair Təlimat”ın tələblərinə uyğun tərtib edilsə də, bəzi hallarda maliyyə-təsərrüfat fəaliyyətinin nəticələri maliyyə hesabatlarında düzgün əks etdirilməyib, Şirkətin balansında olan müxtəlif avadanlıqlara quraşdırılmış ehtiyat hissələri, yerinə yetirilmiş tikinti işlərinin dəyəri aktivlərin ilkin dəyərində uçota alınmayaraq birbaşa xərcə silinib.

Hesablama Palatasının kollegiyası auditin nəticələrini müzakirə edərək qərar qəbul edib, müəyyən edilmiş nöqsanların qısa müddət ərzində aradan qaldırılması, nöqsanlara yol vermiş vəzifəli şəxslərə dair qanunvericiliklə müəyyən edilmiş qaydada zəruri tədbirlərin görülməsi və görülmüş bütün tədbirlər barədə Hesablama Palatasına məlumat verilməsi məqsədilə qərarın surəti İctimai Televiziya və Radio Yayımları Şirkətinə göndərilib.

Auditin nəticələri ilə bağlı Milli Məclisə məlumat verilib.

Qeyd edək ki, İctimai televiziyaya 2013-cü ildən 2018-ci ilədək Azərbaycan Dövlət Film Fondunun direktoru, Azərbaycan Respublikası Kinematoqrafçılar İttifaqının icraçı katibi,  Azərbaycan Respublikasının Əməkdar İncəsənət Xadimi, 3-cü dərəcəli “Vətənə xidmətə görə” ordeni laureatı, Azərbaycan Dövlət Mədəniyyət və İncəsənət Universitetinin professoru Cəmil Quliyev rəhbərlik edib. O, bundan öncə isə (2011-2013-cü illərdə) AzTV-nin kurasiyasında olan “Mədəniyyət” kanalının baş direktoru vəzifəsində çalışıb.


Ümumdünya Şahmat Olimpiadası: Azərbaycan yığmasının üzvlərinə medal verildi

Azərbaycan yığmasının 3 üzvü Gürcüstanın Batumi şəhərində təşkil edilən Ümumdünya Şahmat Olimpiadasında öz lövhələrində göstərdikləri nəticələrə görə medala layiq görülüblər.

Kişilərin yarışında ikinci lövhədə çıxış edən Teymur Rəcəbov və dördüncü lövhədə mübarizə aparan Rauf Məmmədov bürünc medal qazanıb.

Qadınlardan ibarət millidə isə üçüncü lövhədə yarışan Xanım Balacayeva ən yüksək nəticəylə qızıl medal əldə edib.

Qeyd edək ki, Azərbaycanın kişi və qadın şahmatçıları Olimpiadada müvafiq olaraq, 15 və 9-cu yerləri tutublar.


Kərkükdə ərəblər türkləri sıxışdırır

İraqın türkmənlər yaşayan Kərkük bölgəsində yerli əhali əraziyə sonradan köçürülən ərəblər tərəfindən sıxışdırılır. Tarixən məskunlaşdıqları boş ərazilər türkmənlərin əlindən alınıb, ərəbləşdirmə siyasəti başlayıb.

Bu barədə türkmən millətçisi, İraq Nazirlər Komitəsinin Kərkükdəki siyasi məhbusların (Səddam Hüseyn rejimi dövrünün məhbusları) işi üzrə bürosunun hüquqşünası Əli Zeynal bildirib.

Onun sözlərinə görə, əvvəllər kürdlərin hökmranlıq etdikləri türkmən məhəllələrində artıq iki həftədir ki, ərəblər tərəfindən 100-dən artıq heç bir sənədi olmayan ev tikilir. Bələdiyyələrlə məxsus torpaqlarda gecəqonduların inşasına Kərkük valisinin vəkili Rakan Əl-Cuburi dəstək verir.

“Türkmənlər sıxışdırılır, beləliklə İraqda, xüsusilə də Kərkükdə varlığımız, milli kimliyimiz təhlükə altına düşür. Vali həmin qəsəbələrə sahib çıxmır. Ədəm bölgəsi, Kərkük Luna parkının arxası ərəblərə verilib. Biz türkmənlər əlsiz-qolsuz, sahibsiz qalmışıq. Türkmən partiyaları buna etinasız yanaşmamalıdır. Kimsə bunlara dur deməlidir!”, – deyə Ə. Zeynal bildirir.

Ə. Zeynal həmçinin ölkə rəhbərliyinin də türkmənləri dəstəkləmədiyini deyir. Onun sözlərinə görə, Bağdad rejimi də valinin tərəfini tutduğundan onları dinləyən yoxdur.

“Əvvəllər Kərkükün təhsil sahəsi türkmənlərə verilmişdi. İlk türkmən təhsil müdiri öldürüldü, sonrakı isə 2011-ci ildə təqaüdə çıxana qədər bu sahədə çalışdı. Amma ondan sonra bu sahəni də türkmənlərin əlindən aldılar. İndi də bu sistem kürdlərin əlindən çıxıb ərəblərin idarəçiliyinə keçdi. Bağdad rejimi də Kərkük valisini dəstəklədiyiniə görə, heç nə edə bilmirik. Mən isə bu işdə bir fədaiyəm. Xahiş edirəm, bizə kömək edin”, – deyə Ə. Zeynal bildirir.

Qeyd edək ki, Ə. Zeynal Səddam Hüseyn rejimi tərəfindən Turançılıq ideyasının daşıyıcısı olduğuna görə bir müddət həbsə atılıb, orada dəhşətli işgəncələrə məruz qalıb. Bir müddət Türkiyədə yaşadıqdan sonra Səddam Hüseyn hakimiyyətinin süqutundan sonra Kərkükə qayıdıb və türkmənlərin hüquqlarının bərpa olunması üçün çalışır. (Virtualaz.org)


Ermənistanın müdafiə naziri Azərbaycana gəldi

Bu gün Ermənistanın müdafiə naziri David Tonoyan və silahlı qüvvələrin Baş qərargah rəisi Artak Davtyan Azərbaycanın işğal altındakı ərazilərinə gələrək atəşkəsin qorunmasına dair təlimat veriblər.

Erməni KİV-lərinə istinadən xəbər verilir ki, bu haqda Müdafiə Nazirliyinin mətbuat xidmətinin rəhbəri Artsurun Ovanisyan bildirib.

Onun Facebook-da bildirdiyinə görə müdafiə naziri Tonoyan Qarabağdakı rejimin hərbi rəhbərliyini təmas xəttində atəşkəsə əməl etməyə çağırıb. Tonoyan qondarma “dqr müdafiə naziri” Levon Mnatsakanyanla və işğalçı qüvvələrin komandir heyəti ilə görüşüb. Münaqişə barədə danışan nazir deyib ki, Ermənistanın siyasi rəhbərliyi məsələnin danışıqlar yolu ilə dinc həllinə üstünlük verir. Bu səbəbdən Qarabağ hərbçiləri Ermənistanın baş nazirinin bu günlərdə Azərbaycan prezidenti ilə əldə etdiyi razılaşmaya uyğun olaraq atəşkəs rejimini qoruyub saxlamalıdır.

Ermənistanın baş naziri Nikol Paşinyanla Azərbaycan prezidenti İlham Əliyev arasında ilk qeyri-formal təmas ötən həftə Düşənbədə keçirilən MDB sammiti zamanı baş tutub. Paşinyan açıqlayıb ki, Azərbaycan prezidenti ilə təmas xəttində atəşkəsin qorunması və gərginliyin azaldılması, habelə iki ölkə rəhbərliyi arasında birbaşa rabitə kanalının yaradılması barədə razılaşma əldə edib. (Virtualaz.org)


Zəng edin, görüşün, müzakirə edin və 15 gündən sonra saytınıza bütün dünya baxsın...
© 2018 ASSA – DİZAYN | Design Theme by: D5 Creation | Powered by: WordPress
Scroll Up