WordPress və Opencart proqramlarında yığılan saytlar:

sep

Hər şey telefon zəngindən sonra başlayır... Bizi Facebook-da arayın...

Tel: +994 50 220 82 84

Read more...

Bir içim su, bir mesaj və saytınız hazır... info@assanews.com

Boş vaxtınızda YouTube kanalımıza da baxın...

Read more...
sep

<<< Show Posts >>>

Jurnalistin konsulluqda işgəncə ilə öldürülüb mişarla doğranmasının səs yazısı

Türkiyə səlahiyyətlilərinin əlində səudiyyəli müxalif jurnalist Camal Xaşoginin  (türk KİV-ləri onu Camal Kaşıkçı kimi təqdim edir) ölkəsinin İstanbuldakı konsulluğunda işğəncə ilə öldürülməsini və cəsədinin parçalanmasını sübut edən səs yazısı var.

Bu sensasion məlumatı “The Washington Post” qəzeti yayıb.

Qəzetin yazdığına görə Türkiyə rəsmiləri amerikalı həmkarlarını Xaşoginin öldürülməsini təsdiq edən səs yazılarının və videogörüntülərə malik olduqları barədə xəbərdar edib. Həmin dəlillər jurnalistin oktyabrın 2-də konsulluğun binasına daxil olandan sonra tutulduğunu, işdəncə ilə öldürüldüyünü və cəsədinin parçalara ayrıldığını sübut edir.

Qəzetə adlarının açıqlanmaması şərti ilə danışan türkiyəli rəsmilər deyiblər ki, sözügedən səs və videogörüntülər Xaşoginin öldürülməsinə görə səudiyyəli təhlükəsizlik əməkdaşlarının məsuliyyət daşıdığına dair “təkzibedilməz dəlillər” təşkil edir.

Səs və videogörüntülərin detalları barədə məlumatlı olan bir mənbə deyib: “Konsulluq binasının içərisindən alınan səs yazısı Xaşogi binaya daxil olandan sonra orada baş verənləri əks etdirir. Xaşoginin səsi və ərəbcə danışan adamların səsləri eşidilir. Jurnalistin necə dindirildiyini, işgəncə verildiyini və öldürüldüyünü eşidə bilərsiniz”.

Qəzet yazır ki, bu dəlillərin mövcudluğu Türkiyə rəsmilərinin Xaşoginin ölümündə tələsik Səudiyyə Ərəbistanını ittiham etmələrinə aydınlıq gətirir. Qəzetə danışan mənbə deyib ki, onlar hələlik bu dəlilləri ictimaiyyətə açıqlamaq istəmirlər. Çünki səs və görüntülər Türkiyə xüsusi xidmət orqanlarının ölkə ərazisində xarici diplomatik nümayəndəlikləri necə dinlədiyinin detallarını üzə çıxara bilər.

Xatırladaq ki, Səudiyyə kral ailəsinə bir vaxtlar xeyli yaxın olan, daha sonra saray çevrilişi ilə hakimiyyəti faktiki ələ keçirən vəliəhd şahzadə Muhammed bin Salmanı tənqid edən Cama Xaşoginin konsulluqa elektrikli mişarla doğrandığı haqda bundan əvvəl türkiyəli rəsmilərə istinadən “The New York Times” qəzeti yazmışdı.

Türkiyə rəsmilərinin KİV-lərə təqdim etdiyi videomüşahidə kameraları görüntüsünə əsasən həmin gün səhərə yaxın Səudiyyə Ərəbistanından iki “Gulfstream” təyyarəsi ilə xüsusi xidmət əməkdaşları və cəlladlar İstanbula gəlib. Onlar jurnalistin konsulluğa girişindən təxminən iki saat əvvəl qruplar halında binaya daxil olublar. Axşam saatlarında isə gəldikləri təyyarələrlə geri dönüblər. Qrupda insan bədənini hissələrə ayırmaq üzrə mütəxəssis-pataloji anatomiya mütəxəssisi və xüsusi olaarq cəsədi doğramaq üçün elektrikli mişar da olub.

“Sözçü” qəzeti isə yazır ki, Xaşogi konsulluğa daxil olarkən mobil telefonunu onu binanın qarşısında gözləyən nişanlısına verib. Amma mobil telefona inteqrə edilmiş “Apple” ağıllı saatı qolunda olub. Həmin qol saatı ilə mobil telefona bəzi səslər ötürülüb. Hazırda həmin səslər polis tərəfindən araşdırılır.

Digər məqam budur ki, jurnalistin konsulluğa daxil olmasından bir neçə saat sonra oradan qara rəngli, şüşələri qara plyonkalı, diplomatik nömrə nişanlı avtomobil çıxıb və Pendik bölgəsi tərəfə istiqamət alıb. Bu avtomobilin görüntüləri yol boyu 150-dən çox videomüşahidə kameraları ilə qeydə alınıb, amma avtomobil daha sonra kameraların nəzarətindən itib və 4 saat sonra konsulluğa geri dönüb. Ehtimal edilir ki, həmin avtomobildə Xaşoginin cəsədinin parçaları olub və onu harasa aparıb basdırıblar.

Səudiyyə rəsmiləri isə Xaşoginin konsulluqda öldürüldüyünü təkzib edir. Onlar iddia edirlər ki, jurnalist konsulluğu bir neçə dəqiqə, yaxud bir saat sonra tərk edib. Səudiyyə rəsmiləri konsulluqda axtarış aparılması barədə Türkiyə tərəfi ilə razılaşıb, amma məlumatlara görə cinayət yerinin təhqiq edilməsi üzrə kriminalistlərin binaya daxil olmasına razılıq vermək istəmirlər. Konsulluq binası ilə yanaşı konsulun özünün iqamətgahı da axtarılmalıdır. Jurnalistin məhz orada öldürüldüyü təxmin edilir. Bu gün iqamətgahın qarşısında qara rəngli avtomobil dayanıb və içərisindən ağ xalatlı bir nəfər çıxaraq içəri daxil olub. Həmin adamın kimliyi məlum deyil.

Ötən gün  ABŞ prezidenti Donald Tramp deyib ki, o, bu məsələni sonuna qədər bilmək istəyir.”Biz imkan verə bilmərik ki, bu, jurnalistlərin və ya kim olursa olsun, başına belə iş gəlsin”. Trampın sözlərinə görə,  vəziyyət “ciddidir” və o, Xaşoginin nişanlısı Hatice Cengizi Ağ Evə dəvət etmək istədiyini bildirib.

Türkiyənin TRT World kanalının yayınladığı və təhlükəsizlik kameralarından götürüldüyü deyilən kadrlarda konsulluğun qarşına dayanan avtomobillər göstərilib. Onların arasında qara rəngli mikroavtobuslar türkiyəli müstəntiqlərin diqqətini xüsusilə cəlb edib.

Videoda bir qrup “səudiyyəli” kişinin İstanbul aeroportundan Türkiyəyə daxil olduqları, mehmanxanada qeydiyyatdan keçdikləri və sonradan ölkəni tərk etdikləri göstərilib. Nişanlısı Hatice Cengizlə evlənməyə hazırlaşan Xaşogi Səudiyyə konsulluğuna əvvəlki nikahını bitirmək üçün boşanma prosesini başa çatdırmaq üçün getmişdi.

Videoda onun konsulluğa girdiyi görünür,  nişanlısı isə küçədə onu gözləyir.

“Sabah” qəzeti bildirib ki, çəkilmiş kadrlarda kəşfiyyatın 15 üzvü tanınıb. Türkiyə onların Xaşoginin yoxa çıxmasında əli olduqlarını güman edir.

BBC müxbiri Mark Louven-in bildirdiyinə görə, həmin heyətdən bir nəfər vaxtı ilə Londona da göndərilib.

Camal Xaşogi kimdir?

Vəliəhd Məhəmməd bin Salmanın tənqidçisi olan Xaşogi könüllü olaraq ABŞ-da sürgündə yaşayıb və “Washington Post” nəşri ilə jurnalist kimi yoxa çıxana qədər əməkdaşlıq edib.

O, “al-Watan” qəzetinin və qısa müddət fəaliyyət göstərmiş “Saudi TV”xəbər kanalının keçmiş redaktoru olub.

Uzun ilər ərzində Səudiyyənin kral ailəsinə yaxın olan şəxs sayılıb. O, yüksək rütbəli Səudiyyə rəsmilərinin müşaviri kimi çalışıb.

Lakin onun bir neçə dostu həbs olunduqdan sonra, “al-Hayat” qəzeti onun yazılarının dərcini dayandırıb, deyilənə görə, ona tvitlərini kəsmək barədə xəbərdarlıq ediləndən sonra Xaşogi Səudiyyə Ərəbistanından ABŞ-a köçüb. (Virtualaz.org)


Tünzalə bu statusu ilə kimə söz atır?

Əməkdar artist Tünzalə Ağayeva sosial şəbəkədə müzakirələrə səbəb olacaq status yazıb. 

Müğənni instagramda canlı yayım edən həmkarlarına söz atıb. 

“Bu gün sənətkarın adı – onun keyfiyyətinin göstəricisidirsə, tamaşaçısının daim həm qəlbində həm diqqətindədirsə, konsertləri satılırsa və s. Bu illərlə peşəsinə, sevəninə və özünə verdiyi dəyərin, zəhmətin, eşqlə etdiyi işlərin, fədakarlığının, musiqi mədəniyyətindəki dönməz əqidəsinin nəticəsidir! İnternetdən canlı yayım etməklə sənətə yiyələnmirlər”- deyə Ağayeva bildirib.

Qeyd edək ki, əməkdar artist bu ayın 20-də Bakı Konqres Mərkəzində solo konsert verəcək. (Qafqazinfo)


Ziya Məmmədovun zavodunda kütləvi ixtisar: İşə yalnız qohumları götürülür

Sabiq nəqliyyat naziri Ziya Məmmədova məxsus “Garant Holding”in törəmə müəssisəsi olan “Fortis Group” tikinti materialları istehsal edən zavodda 60-a yaxın işçi işdən çıxarılıb.
Bu barədə zavodda 14 ildir gözətçi işləmiş Kamilov Kamal Nəbi oğlu bildirib. O deyib ki, 2004-cü ilin 1 may tarixindən 2018-ci ilin sentyabr ayınadək “Fortis Group”da (əvvəllər “Azbentonit” MMC) nəzarətçi-gözətçi vəzifəsində işləyib:
“Çalışdığım müddətdə işimdə heç bir nöqsan olmayıb. 2018-ci ilin 6 sentyabr tarixində “Fortis Group”un icraçı direktoru Hüseynağa Ağayevin əmri ilə tutduğum vəzifədən azad olunmuşam. Hüseynağa Ağayev məni qeyri-qanuni olaraq əmək məcəlləsinin 70-ci maddəsinin (b) bəndinə əsasən işdən azad edib. Mən bununla bağlı rəhbərliyə öz narazılığımı bildirdim. Vurğuladım ki, “işimdə heç bir nöqsan yoxdur və uzun müddətdir bu müəssisədə vicdanla çalışıb, balalarıma bir parça çörək aparmışam. Xahiş edirəm məni işimdə saxlayasınız”.
Bütün xahiş və iradlarıma baxmayaraq icraçı direktor məni vəzifəmdən azad etdi”.
Kamal Kamilov onu da iddia edib ki, zavodda çalışdığı 14 illik iş müddətində ona 13-cü əmək haqqı verilməyib:
“Zavod rəhbərliyi tərəfindən mənə iki aylıq kompensassiya verildi. Bununla belə, 2016-cı ilin fevral ayının 1-dən 2018-ci ilin sentyabr ayının 10-na kimi, əmək məcəlləsinə zidd, Azərbaycan Respublikasının Konstitusiyasına zidd olaraq zavodda 8 saat əvəzinə 12 saat işləmişəm. Buna məni məcbur ediblər. Artıq işləməyimə görə, nə müqavilə bağlanılıb, nə də əmək haqqı ödənilib. Bu da əməyimin istismarıdır.
Mən bu günləri Əmək və Əhalinin Sosial Müdafiəsi naziri Sahil Babayevdən xahiş edirəm ki, hüquqlarımın bərpası üçün lazımi tədbir görsün. Artıq bununla bağlı sentyabr ayının 17-si nazirlikdə olmuşam. Orada məni Dövlət Əmək Müfəttişliyi Xidmətinin 6 saylı dövlət əmək müfəttişliyinə şikayətimi yönəldiblər.
Bildirildi ki, 15 iş günü ərzində şikayət ərizəm araşdırıldıqdan sonra, mənə cavab veriləcək. 23 gün keçməsinə baxmayaraq əmək müfəttişliyi tərəfindən mənə rəsmi cavab verilməyib. Bu gün işimə baxan 6 saylı əmək müfəttişliyinin əməkdaşı ilə də görüşdüm. O da mənə dedi ki, “Fortis Group” tikinti materialları istehsal edən zavoddan məsələ ilə bağlı heç bir cavab ala bilməyib”.
Kamal Kamilov onu da bildirib ki, “Fortis Group” tikinti materialları istehsal edən zavodunun əsl rəhbəri Ziya Məmmədovun qardaşı İldırım Məmmədovdur:
“Fortis Group” MMC-nin sədri İldırım Məmmədovun kürəkəni Erşad adlı cavan oğlandır. İcraçı direktor Hüseynağa Ağayev isə İldırım Məmmədovun qaynıdır. Hazırda zavodda rəhbərliyi Ziya Məmmədovun yaxın qohumları edir. İşçilərin əksəriyyəti də qohum-əqrabasıdır. Onlara yaxın olmayan 60-a yaxın işçi mənimlə birgə zavoddan çıxarılıb. Təkcə, zavodun mühafizə qrupundan 7 nəfəri işdən azad ediblər. Əgər bilsəm ki, şirkətin gəlirləri azalıb, heç bir söz demərəm. Şirkət yüksək gəlirlə işləyir. Eşitdiyimə görə, Ziya Məmmədovun qohumlarından ayda 7 min manat maaş alan da var. Kənar şəxslərə isə cəmi 300-400 manat maaş verirdilər. Mənim aylıq maaşım isə cəmi 345 manat idi. Onu da biz kasıblara çox gördülər. İşdən uzaqlaşdırılmağımla bağlı ölkə başçısı İlham Əliyev və birinci vitse-prezident Mehriban xanım Əliyevaya da müraciət edəcəm. Göydə Allaha, yerdə isə onlara güvənirəm”.
Xatırladaq ki, sabiq nəqliyyat naziri Ziya Məmmədovun ailə biznesinin cəmləşdiyi “Garant Holding”in törəmə müəssisəsi olan “Garant İnşaat Sənaye” MMC 2004-cü ildə “Azbentonit” MMC adı ilə fəaliyyətə başlayıb. Müəssisənin yaradılmasında əsas məqsəd Respublikamızın mineral qeyri-filiz xammal yataqlarının kəşfiyyatının öyrənilməsini, texnoloji qiymətləndirilməsini həyata keçirmək, sənaye əhəmiyyətli olan yataqların xammalları əsasında müxtəlif təyinatlı məhsulların istehsalını təşkil etməkdən ibarətdir. (unikal.og)


Azərbaycanlı aktrisa Türkiyədə seriala çəkilir – VİDEO

Azərbaycanlı aktrisa Gülay Hüseynova Türkiyədə seriala çəkilir.
O, Show TV-də yayımlanan “Yeni gəlin” serialında rol almağa başlayıb. Gülay seriala 57-ci bölümdən daxil olub. O,  bioenerji uzmanı Oksana obrazını canlandırıb.
Qeyd edək ki, Gülay Türkiyə tamaşaçısına Star TV-də yayımlanan “Kalbimin sultanı” serialından tanışdır. (Musavat.com)


Belarus Rusiyaya birləşir? – Lukaşenkodan açıqlama

“Belarus sakinləri Rusiyanı özlərinə yaxın müttəfiq kimi görürlər”.

Belarus prezidenti Aleksandr Lukaşenko ölkəsinin Rusiyaya daxil olma ehtimalını istisna etdi.

“Bilirsiniz ki, biz suveren və müstəqil bir ölkəyik. 21-ci əsrdə Belarusun Rusiyanın tərkibinə daxil olacağı haqda danışmaq gülüncdir. Mən Rusiyanın indiki prezidentindən bu haqda heç bir kəlmə eşitməmişəm “.

BELTA-ya istinadən xəbər verilir ki, bu fikirləri Belarus prezidenti Aleksandr Lukaşenko səsləndirib.
O, əlavə edib ki, Belarus sakinləri Rusiyanı özlərinə yaxın müttəfiq kimi görürlər.

Xatırladaq ki, Lukaşenko daha öncə bildirmişdi ki, qarşılıqlı etimad və hörmət prinsiplərinə əsaslanan dialoq Moskva ilə Minsk arasındakı münasibətlərin və strateji tərəfdaşlığın inkişafına təkan verəcək. (AzNews.az)


Türkiyədə terrorçular hərbi hissəyə raket atdı – 1 şəhid, 4 yaralı var

İraqın şimalından, Zap bölgəsindən Türkiyənin Hakkari əyalətinin Çukurca rayonunda yerləşən hərbi hissəyə raket atılması nəticəsində 1 hərbçi şəhid olub, 3-ü hərbçi olmaqla 4 nəfər yaralanıb.

“Anadolu”ya istinadən xəbər verilir ki, bu barədə Hakkari valiliyi açıqlama yayıb.

Bildirilib ki, Çukurca rayonunun Güvən dağı bölgəsində yerləşən hərbi hissəyə terrorçu PKK qruplaşması iki raket atıb.

Hadisə ilə bağlı araşdırma aparılır.

Xatırladaq ki, ötən həftə Türkiyənin Batman əyalətinin Hasankeyf rayonunda törədilən partlayış nəticəsində 7 hərbçi şəhid olmuşdu. (Report)


İlham Əliyev nazirləri bir yerə topladı

Oktyabrın 9-da Azərbaycan Respublikasının Prezidenti İlham Əliyevin sədrliyi ilə Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib.

Dövlətimizin başçısı iclası giriş nitqi ilə açıb.

Sonra vergilər naziri Mikayıl Cabbarov, nəqliyyat, rabitə və yüksək texnologiyalar naziri Ramin Quluzadə və “Azərxalça” Açıq Səhmdar Cəmiyyəti İdarə Heyətinin sədri Vidadi Muradov çıxış ediblər.

Azərbaycan Prezidenti iclasda yekun nitqi söyləyib.


Azərbaycan İtaliyadan 10 təlim-döyüş təyyarəsi aldı – VİDEO

Azərbaycan İtaliyadan 10 ədəd M-346 təlim-döyüş təyyarəsi alıb.

Bu barədə Rusiya internet mənbələrində (https://www.ridus.ru/news/285057) məlumat yer alır.

“Alenia Aermacchi M-346 Master“ əvvəlcə pilotların döyüş hazırlığının yüksəldilməsi üçün nəzərdə tutulurdu və İtaliyanın “Leonardo Aircraft” şirkəti tərəfindən istehsal olunur. Təyyarə ilk uçuşunu 2004-cü ildə keçirib. O vaxtdan bəri İtaliyanın və bəzi digər ölkələrin Hərbi Hava Qüvvələri bu təyyarələrdən alıb.

Hazırda İtaliya HHQ-nin silahlanmasında 18 belə təyyarə var. Sinqapur 12, İsrail 30, Polşa isə 8 M-346 təyyarəsi alıb. Azərbaycan da “Leonardo Aircraft” şirkətinin müştəriləri arasındadır və Müdafiə Nazirliyi ilk dəfə 2017-ci ilin mayında Hərbi Hava Qüvvələrinin silahlanmasına daxil olan yeni nəsil M-346 təyyarəsini nümayiş etdirib. Lakin o vaxt Azərbaycanın İtaliyadan neçə təyyarə aldığı göstərilməmişdi.

İndi Rusiya mənbələrində göstərilir ki, Azərbaycan “Leonardo” şirkətindən 10 təyyarə alıb və daha 15 təyyarə sifariş verib.

Təyyarədə iki turboreaktiv mühərrik quraşdırılıb və bu mühərriklərin sayəsində M-346 saatda 1050 kilometrə qədər sürət yığa bilir. Şirkət təyyarəni daha da təkmilləşdirərək onu təlim-döyüş təyyarəsinə çevirib. M-346 təyyarələrinin təlim-döyüş versiyası qanadaltı asmalarda 3 tona qədər ağırlığında cəmi 5 bomba daşıya bilir.

“Leonardo” şirkətinin Azərbaycana satdığı və satmağa hazırlaşdığı təyyarələrin neçəsinin təlim-məşq, neçəsinin təlim-döyüş təyinatlı olduğu məlum deyil. Lakin ehtimal edilir ki, bu təyyarələrin əsas qismi məhz təlim-döyüş təyinatlı olacaq. Çünki pilotların döyüş hazırlığı üçün o qədər də çoxsaylı təyyarələrə ehtiyac yoxdur. Azərbaycan isə son illər öz Hərbi Hava Qüvvələrini müasir döyüş təyyarələri ilə təchiz etməyin müxtəlif variantlarını, o cümlədən Pakistan-Çin istehsalı olan JF-17 qırıcılarının alınmasını nəzərdən keçirib. Belə situasiyada İtaliya istehsalı olan yüngül təlim-məşq təyyarələrinin təlim-döyüş versiyası Azərbaycan üçün tamamilə sərfəli variant kimi görünür. Həmin təyyarələri İsrailin köməyi ilə daha da təkmilləşdirmək və döyüş imkanlarını genişləndirmək olar.

Belə ki, ötən il xarici KİV-lərdə yer alan xəbərlərdə deyilirdi ki, İsrail Müdafiə Nazirliyi  özünün hərbi aviasiya parkında yer alan İtaliyanın “Alenia Aermacchi” şirkətinin istehsalı olan M-346 “Master” təlim-döyüş təyyarələrini təkmilləşdirir. 2012-ci il iyunun 2-də İsrail Müdafiə Nazirliyi ilə “Alenia Aermacchi” şirkəti arasında dəyəri 1 milyard dollar olan müqavilə imzalanıb.

Müqavilə əsasında “Alenia Aermacchi” şirkətinin İsrail Hərbi Hava Qüvvələrini (HHQ) “Lavi” adı verilən 30 ədəd M-346 təlim-döyüş təyyarələri ilə təmin etməsi nəzərdə tutulub.

Son “Lavi” təyyarəsinin İsrail HHQ-nin inventarına daxil olmasından az vaxt keçməsinə baxmayaraq, təyyarənin imkanlarını genişləndirmək məqsədi ilə onun müasirləşdirməsinə qərar verilib. İsrail istehsalçı şirkətlə birlikdə təyyarənin təlim bombaları və asma yanacaq çəni ilə təchiz edilməsi üzərində işləyir.

Gələcəkdə təyyarələrin istehsalçısı analoji müasirləşdirməni başqa müştərilərə də təklif edə biləcək. Yenilənmiş M-346 təyyarəsi demək olar ki, 3 il istismar müddətində İsrail HHQ-nin təcrübəsinə əsaslanan xüsusi proqram təminatı alıb. (Virtualaz.org)


PSJ-nin hücumçusu Kilian Mbappe 13 dəqiqəyə 4 qol vurdu – VİDEO

Oktyabrın 7-də futbol üzrə Fransa çempionatının 9-cu turunun son oyununda PSJ klubu öz meydanında “Lion” kollektivini qəbul edib.

Görüş meydan sahiblərinin 5:0 hesablı qələbəsi ilə yekunlaşıb.

Parislilərin heyətində Kilian Mbappe 4 dəfə fərqlənib. O, 13 dəqiqə ərzində poker edib.

Digər qola isə braziliyalı hücumçu Neymar imza atıb.

Beləliklə, PSJ I Liqada ardıcıl 9-cu qələbəsini qazanıb və vahid liderdir. “Lion” isə 14 xalla turnir cədvəlinin 6-cı pilləsində qərarlaşıb.


30 yaşlı jurnalist zorlanaraq qətlə yetirilib – Bolqarıstanda

Bolqarıstanın Ruse şəhərində 30 yaşlı araşdırmaçı jurnalist Viktoriya Marinovanın meyiti Dunay çayı sahildəki meşə zolağından tapılıb.

“Nova” telekanalına istinadən xəbər verilir ki, hüquq-mühafizə orqanlarının fərziyyəsinə görə, teleaparıcı başından aldığı zərbə və boğulma nəticəsində dünyasını dəyişib, ölümündən öncə isə cinsi təcavüzə məruz qalıb.

Qadın jurnalistin meyitini yoldan keçən şəxs aşkar edib və dərhal bu barədə polisi məlumatlandırıb. Cəsədindən bir neçə metr aralıda Marinovanın şəxsi əşyaları olub, yaxınlıqda isə avtomobili park edilib. Asayiş keşikçiləri qadının mobil telefonunu və maşının açarlarını tapmayıblar.

İstintaq onun ölümü ilə bağlı bir neçə versiyanı, həmçinin peşəkar fəaliyyətini nəzərdən keçirir. Marinova Avropa İttifaqı fondlarından pul vəsaitlərinin oğurlanmasının araşdırılması üzərində işləyib.

Eyni zamanda qətlin motivləri onun peşəsi ilə əlaqəli olmaya da bilər, çünki cinayət yeri yaxınlığında psixiatriya xəstəxanası var.

ATƏT-in azad mətbuat işləri üzrə rəhbəri Harlem Dezir artıq jurnalistin qətlinə münasibət bildirib. Təşkilatın press-relizində bildirilir ki, o, baş verənlərdən heyrət içindədir və cinayətin diqqətlə araşdırılmasını tələb edir. (Report)


Zəng edin, görüşün, müzakirə edin və 15 gündən sonra saytınıza bütün dünya baxsın...
© 2018 ASSA – DİZAYN | Design Theme by: D5 Creation | Powered by: WordPress
Scroll Up