Türkiyə kimi güclü bir ortağını itirəcək – Ərdoğan Trampa cavab verdi

print
ABŞ prezidenti Donald Trampın “Rahib Branson azadlığa çıxmasa, Türkiyəyə sanksiyalar tətbiq edəcəyik” təhdidinə prezident Rəcəb Tayyib Ərdoğandan cavab gecikməyib.

“Milliyet”ə istinadən verilən məlumata görə, Ərdoğan rahiblə bağlı hər hansı bir bazarlıq söhbətinin olmadığını açıqlayıb.

“ABŞ ilə müzakirə etdiyimiz müxtəlif məsələlər var. FETÖ-nün rəhbərinin təhvil verilməsi, “Xalqbank”, Hakan Atilla və s. Branson da bu məsələlər içərisindədir. Hər kəs bilsin ki, biz heç vaxt Bransonu bazarlıq söhbətinə şamil etməmişik. Məhkəmənin qərarına hörmət etməkdənsə, məsələni Türkiyəyə sanksiya məsələsi halına gətiriblər. Türkiyə sanksiyalara görə geri addım atan deyil”, – deyə prezident vurğulayıb.

“Məncə bunların hamısı psixoloji müharibədir” deyə bildirən Ərdoğan sözlərinə belə davam edib: “İndi də bizi başqa yolla hədələməyə başlayıblar. Guya “F-35”ləri bizə verməyə bilərlər. Özlərinə də dedik. Əgər verməsələr, beynəlxalq təhkim deyə bir şey var, o üsula əl atacağıq. ABŞ bu davranışını dəyişməsə, Türkiyə kimi güclü bir ortağını itirəcək”.

Xatırladaq ki, rahib Endryü Branson şahidlərdən birinin ifadəsinə əsasən, FETÖ cinayətindən tutulub. 35 il həbsi istənilən rahib haqqında “ev dustaqlığı” qərarı verilib.

Scroll Up