Rafael Ağayev 11-ci dəfə Avropa çempionu oldu

print
9-14 may tarixlərində Serbiyanın Novi Sad şəhərində karate üzrə 53-cü Avropa çempionatı keçirilir.

Kumitedə 75 kq çəki dərəcəsində mübarizə aparan Azərbaycan təmsilçisi Rafael Ağayev bütün rəqiblərini məğlub edərək Avropa çempionu olub.

Bu, 33 yaşlı idmançının karyerasındakı 11-ci Avropa çempionu tituludur. O, beşqat dünya çempionu və “Bakı 2015” I Avropa Oyunlarının qalibidir.

Qeyd edək ki, 52 ölkədən 532 idmançının qatıldığı yarışda Azərbaycan 17 idmançı ilə təmsil olunur. Kareteçilərimiz –  İrina Zaretska gümüş, Şahin Atamov isə bürünc medal əldə edib.


Comments are Closed

© 2018 ASSA – DİZAYN | Design Theme by: D5 Creation | Powered by: WordPress
Scroll Up