Ermənistan silahlı qüvvələrinin iki hərbi obyekti dağıdılıb.

Müdafiə Nazirliyindən verilən məlumata görə, Ermənistan-Azərbaycan qoşunlarının qarşıdurma xəttində, düşmənə məxsus bölmənin mühafizə olunan komanda müşahidə məntəqəsi və müşahidə qülləsinin optik qurğusu bölmələrimiz tərəfindən atəşlə məhv edilib.

Ötən gün də cəbhənin Füzuli-Xocavənd istiqamətində mövqelərimizi atəşə tutan Ermənistan silahlı qüvvələrinin uzunmüddətli atəş nöqtəsi bölmələrimiz tərəfindən məhv edilib. Düşmən itkilərə məruz qalıb.