Home / Hadisə  / Çevriliş gecəsi türk generaldan ABŞ-a şok telefon zəngi

Çevriliş gecəsi türk generaldan ABŞ-a şok telefon zəngi

Türkiyədə dövlət çevrilişinə cəhdlə bağlı yeni iddialar ortaya çıxıb. Timeturk-ə istinadən xəbər verilir ki, Adanada yerləşən İncirlik hərbi bazasının türk komandiri, general Bəkir Ərcan ABŞ-dan sığınacaq istəyib. Hadisənin olduğu gecənin səhəri həbs olunan Bəkir Ərcanın, İstanbul və

Türkiyədə dövlət çevrilişinə cəhdlə bağlı yeni iddialar ortaya çıxıb.

Timeturk-ə istinadən xəbər verilir ki, Adanada yerləşən İncirlik hərbi bazasının türk komandiri, general Bəkir Ərcan ABŞ-dan sığınacaq istəyib.

Hadisənin olduğu gecənin səhəri həbs olunan Bəkir Ərcanın, İstanbul və Ankara şəhərlərində strateji dövlət obyektlərini bombalayan F-16 qırıcılarını yanacaqla təmin etdiyi bildirilir. Onun Vaşinqtondan sığınacaq istəməsi xəbəri ABŞ mediasında da yer alıb.

New York Times qəzetinin yaydığı məlumata görə, hərbi çevriliş cəhdi uğursuzluğa düçar olandan dərhal sonra, İncirlik hərbi bazasının türk komandiri B. Ərcan Amerikaya telefon açıb. Ağ Evdəki rəsmilərdən müsbət cavab ala bilməyən komandir hava işıqlaşana yaxın polis tərəfindən həbs olunub.

Review overview