Loading

wait a moment

GünEl Treu: Hörümçək – şeir

print
hörümçək

nə gəzirsən burda hörümçək
bura şkafımın ən gözəl yeridi
bax,
onun hədiyyələrdir.
həvəslə saxlayıram,
hər gün tozunu alıram
safdılar,
təmizdilər
onun özü qədər.

mən onun gözlərində
dincəlirəm
qayalara çırpılan dalğalarım
onun sahilinə səpələnir
sakitləşir.
qumlarında itib-batır
göz yaşlarım
sıqal çəkir saçlarıma
yumşalıram,
sıqınıram uşaq kimi ürəyinə,
gülür mənə…

çıx get, hörümçək
mən onun sevgi torunda
xoşbəxtəm
alma əlimdən.
toz salma hədiyyələrin üstünə
köhnəltmə hislərimi
soyutma sevgimi
çıx get, hörümçək
əl çək
indi o gələcək…

GunEl Treu

Scroll Up